Skip to main content

ବ୍ୟବହାର ସର୍ତ୍ତାବଳୀ

Last updated: 20th June 2021

ଏହି ସର୍ତ୍ତାବଳୀ ("ସର୍ତ୍ତଗୁଡ଼ିକ") ଆମର ୱେବସାଇଟରେ ଆପଣଙ୍କ ଉପଯୋଗକୁ ନିୟନ୍ତ୍ରଣ କରେ ଯାହା https://sharechat.com/ ଥାଏ କିମ୍ବା ଶେୟରଚେଟ୍ ମୋବାଇଲ ଆପ୍ଲିକେସନ (ସାମୂହିକ ଭାବେ, "ପ୍ଲାଟଫର୍ମ") ମୋହଲ୍ଲା ଟେକ ପ୍ରାଇଭେଟ ଲିମିଟେଡ ଦ୍ୱାରା ଉପଲବ୍ଧ ହୋଇଛି। ("ଶେୟରଚେଟ୍", "କମ୍ପାନୀ", "ଆମେ", "ଆମକୁ""ଆମର"), ଏକ ଘରୋଇ କମ୍ପାନୀ ଯାହା ଭାରତୀୟ ଆଇନ ଅଧୀନରେ ପ୍ରତିଷ୍ଠିତ, ଯାହାର ପଞ୍ଜୀକୃତ କାର୍ଯ୍ୟାଳୟ No.2 26, 27 1st Floor, Sona Towers, Hosur Rd, Krishna Nagar, Industrial Area, Bengaluru, Karnataka 560029 ରେ ଅବସ୍ଥିତ। ସର୍ତ୍ତାବଳୀ "ଆପଣ" ଏବଂ "ଆପଣଙ୍କର" ପ୍ଲାଟଫର୍ମର ଉପଭୋକ୍ତାଙ୍କୁ ଦର୍ଶାଏ।

ଏହି ସର୍ତ୍ତ ଗୁଡ଼ିକ ଶେୟରଚେଟ୍ ବିଷୟବସ୍ତୁ ଓ କମ୍ୟୁନିଟି ନିର୍ଦ୍ଦେଶାବଳୀ, ଶେୟରଚେଟ୍ ଗୋପନୀୟ ନୀତି, ଏବଂ ଆମର ଶେୟରଚେଟ୍ ବୁକି ପଲିସି ସହିତ ପଢାଯିବ। ଯଦି ଆପଣ ଏସବୁ ସର୍ତ୍ତାବର୍ଳୀର ସର୍ତ୍ତ ଓ ନିୟମରେ ସହମତ ନୁହଁନ୍ତି ତାହାଲେ ଦୟାକରି ଏହି ପ୍ଲାଟଫର୍ମ ବ୍ୟବହାର କରନ୍ତୁ ନାହିଁ।

ଆମ ସେବା (ଯେପରି ଆମେ ନିମ୍ନରେ ବିସ୍ତୃତରେ ବ୍ୟାଖ୍ୟା କରିଛୁ) ଏବଂ ଏହି ସର୍ତ୍ତ, କରାଯାଇଥିବା ସମସ୍ତ ସଂଶୋଧନ ଏବଂ ଅଧିନସ୍ଥ ସମସ୍ତ ଆଇନର ରୂପରେଖ ଭାରତୀୟ ପିଙ୍ଗଳ କୋଡ, 1860 ଏବଂ ସୂଚନା ପ୍ରଯୁକ୍ତି ବିଦ୍ୟା ଆଇନ 2000 ଅନୁରୂପ। ଯେତେବେଳେ ଆପଣ ଆମ ପ୍ଲାଟଫର୍ମରେ ଏକ ଏକାଉଣ୍ଟ ତିଆରି କରନ୍ତି କିମ୍ବା ଆମ ପ୍ଲାଟଫର୍ମ କିମ୍ବା ଆମର କୌଣସି ପ୍ରକାର ସେବାର ଉପଯୋଗ କରନ୍ତି, ଆପଣ ଏହି ନିୟମ ଗ୍ରହଣ କରନ୍ତି ଓ ଏଥିରେ ସହମତ ହୁଅନ୍ତି। ତେବେ, ଦୟାକରି ଧ୍ୟାନ ଦିଅନ୍ତୁ ଯେ, ଭାରତର ଗଣତନ୍ତ୍ର ବ୍ୟତୀତ ଅନ୍ୟ କୌଣସି ଦେଶର ଆଇନ ଅନୁପାଳନ କରୁଥିବା ନେଇ ଆମେ ଉପସ୍ଥାପନ କରୁ ନାହୁଁ। ଯଦି ଆପଣ ଆମ ସେବା ଉପଯୋଗ କରିବାକୁ ଇଛା ପ୍ରକାଶ କରନ୍ତି, ଦୟାକରି ନିଶ୍ଚିତ କରନ୍ତୁ ଯେ ଏଥିପାଇଁ ଆପଣଙ୍କ ନିଜ ଅଧିକାର କ୍ଷେତ୍ରରେ ବୈଧ ଅନୁମତି ଅଛି।

ଆମର ପ୍ଲାଟଫର୍ମ ବ୍ୟବହାର କରିବା ବେଳେ ଆପଣ ଏବଂ ଆମକୁ ନିର୍ଦ୍ଦିଷ୍ଟ ନିୟମ ଅନୁସରଣ କରିବା ଆବଶ୍ୟକ। ଏହି ଭଳି ନିୟମଗୁଡ଼ିକୁ ଆମେ ସେହି ସର୍ତ୍ତରେ ତାଲିକା କରିଛୁ। ଦୟାକରି ଏଠାରେ ଉଲ୍ଲେଖ କରାଯାଇଥିବା ସର୍ତ୍ତ ଓ ସମସ୍ତ ଅନ୍ୟ ହାଇପରଲିଙ୍କ କୁ ଧ୍ୟାନର ସହ ପଢ଼ନ୍ତୁ। ମନେ ରଖନ୍ତୁ ଯେ, ଆମ ପ୍ଲାଟଫର୍ମ ବ୍ୟବହାର କରିବା ଦ୍ୱାରା ଆପଣ ଏସବୁ ସର୍ତ୍ତ ପାଳନ ନେଇ ସହମତ। ଏଥିସହ, ଯଦି ଆପଣ ଭାରତ ବାହାରେ ଏସବୁ ସେବାର ଉପଯୋଗ କରୁଛନ୍ତି, ଦୟାକରି ସ୍ଥାନୀୟ ଆଇନ ଅନୁସରଣ କରନ୍ତୁ।

ସର୍ତ୍ତାବଳୀ ଓ ସେବାରେ ପରିବର୍ତ୍ତନ#

ଆମର ପ୍ଲାଟଫର୍ମ ପରିବର୍ତ୍ତନଶୀଳ ଓ ଶୀଘ୍ର ଏହା ବଦଳି ପାରେ। ଯେପରି, ଆମ ନିର୍ଣ୍ଣୟ ଅନୁଯାୟୀ ଆମେ ପ୍ରଦାନ କରୁଥିବା ସେବାଗୁଡ଼ିକ ପରିବର୍ତ୍ତନ କରିପାରୁ। ଆମେ ସ୍ଥାୟୀ କିମ୍ବା ଅସ୍ଥାୟୀ ଭାବେ, ଆପଣଙ୍କୁ ପ୍ରଦାନ କରାଯାଉଥିବା ସେବା କିମ୍ବା କୌଣସି ସେବା ବୈଶିଷ୍ଟ୍ୟ ବନ୍ଦ କରିପାରୁ।

କୌଣସି ନୋଟିସ ପ୍ରଦାନ ନ କରି ଆମେ ଆମର ପ୍ଲାଟଫର୍ମ ଓ ସେବାରେ କାର୍ଯ୍ୟକ୍ଷମତା ସାମିଲ କରିପାରୁ କିମ୍ବା ପ୍ରତ୍ୟାହାର କରି ପାରୁ। ତଥାପି, ଆମେ ଯଦି କିଛି ପରିବର୍ତ୍ତନ କରିବୁ ଯେଉଁଥିପାଇଁ ଆପଣଙ୍କର ସହମତି ଆବଶ୍ୟକ, ଆମେ ତାହା ପଚାରିବା ନେଇ ସୁନିଶ୍ଚିତ କରିବୁ। ଆମର ସବୁଠାରୁ ନୂଆ ପ୍ରକାର ପରିବର୍ତ୍ତନ ଓ ବିକାଶ ବିଷୟରେ ଅପଡେଟ ରହିବାକୁ ଦୟାକରି ସମୟ ସମୟରେ ଏହି ପେଜ ଭିଜିଟ କରିବା ନେଇ ନିଶ୍ଚିତ ରୁହନ୍ତୁ।

ଆମେ କରି ପାରୁଥିବା କୌଣସି ପ୍ରକାର ପରିବର୍ତ୍ତନ ଏବଂ ସାମିଲ କରିବାକୁ ଥିବା ସେବା ଗୁଡ଼ିକ ଦେଖିବା ପାଇଁ ଏହି ପେଜ ଭିଜିଟ କରନ୍ତୁ।

ଆମ ସେବାଗୁଡ଼ିକ କିଏ ବ୍ୟବହାର/ଉପଯୋଗ କରିପାରିବେ#

ଆମର ପ୍ଲାଟଫର୍ମ ଆପଣଙ୍କୁ ନିଜ ବନ୍ଧୁମାନଙ୍କ ସହ ସଂପର୍କରେ ରହିବାରେ ସାହାଯ୍ୟ କରେ ଏବଂ ଫଟୋ, ଭିଡ଼ିଓ, ମ୍ୟୁଜିକ, ଷ୍ଟାଟସ ଅପଡେଟ ଏବଂ ଆହୁରି ଅଧିକ ନିଜର ପସନ୍ଦର ଭାଷାରେ ଶେୟର କରିବା ପାଇଁ ଆପଣଙ୍କୁ ସକ୍ଷମ କରେ। ଆମେ ଆପଣଙ୍କର ପସନ୍ଦର କଣ୍ଟେଣ୍ଟ ବା ପ୍ରସଙ୍ଗ ବୁଝିଥାଉ ଓ ପୋଷ୍ଟ, ପିକ୍ଚର, ଭିଡ଼ିଓ ଦେଖାଇବା ପାଇଁ ଆପଣଙ୍କ ନ୍ୟୁଜ ଫିଡକୁ ପର୍ସନାଲାଇଜ କରୁ ଏବଂ ଆମ ପ୍ଲାଟଫର୍ମରେ ଉପଲବ୍ଧ ଥିବା ବିଷୟବସ୍ତୁ ପାଇଁ ପରାମର୍ଶ ଦେଉ ("ସେବା / ସେବାଗୁଡ଼ିକ")।

ଯଦି ଆପଣ ଆମ ସହ ଏକ ବାଧ୍ୟତାମୂଳକ ବୁଝାମଣା କରିବା ପାଇଁ ସକ୍ଷମ ଏବଂ ଆମ ସେବା ବ୍ୟବହାର କରିବା ପାଇଁ ଆଇନତଃ ଅନୁମତି ପାଇଛନ୍ତି, ତାହାଲେ ଆପଣ ଆମ ସେବାଗୁଡ଼ିକର ଉପଯୋଗ କରିପାରିବେ। ଯଦି ଆପଣ ଏସବୁ ସର୍ତ୍ତ କୌଣସି କମ୍ପାନୀ କିମ୍ବା ବୈଧାନିକ ବ୍ୟକ୍ତିଙ୍କ ତରଫରୁ ଗ୍ରହଣ କରୁଛନ୍ତି, ତାହାଲେ ଆପଣ ଉପସ୍ଥାପନ କରନ୍ତି ଓ ୱାରେଣ୍ଟି ଦିଅନ୍ତି ଯେ, ଏସବୁ ସର୍ତ୍ତ ଅନୁବନ୍ଧ ପାଇଁ ଆପଣଙ୍କ ପାଖରେ ଅଧିକାର ଅଛି ଏବଂ ପ୍ରଭାବଶାଳୀ ଭାବେ "ଆପଣ" ଓ "ଆପଣଙ୍କର" କମ୍ପାନୀକୁ ସୂଚିତ କରିବ।

ଦୟାକରି ନିଶ୍ଚିନ୍ତ କରନ୍ତୁ ଯେ ଆଇନ ଅଧିନରେ ଆମ ସେବାଗୁଡ଼ିକ ଉପଯୋଗ କରିବା ପାଇଁ ଆପଣଙ୍କ ପାଖରେ ଅନୁମତି ଅଛି।

ଆମେ ସେବାଗୁଡ଼ିକ କିପରି ବ୍ୟବହାର କରିବେ#

ଆମେ ଏକ ନିଆରା ପ୍ଲାଟଫର୍ମ ତିଆରି କରିଛୁ। ଆମର ସେବା ଗୁଡ଼ିକ ବିଶେଷଭାବେ ଆଞ୍ଚଳିକ ଭାଷାରେ ଉପଲବ୍ଧ। ଆମେ ଆପଣଙ୍କୁ ବ୍ୟକ୍ତିଗତ ବିଷୟବସ୍ତୁ ପ୍ରଦାନ କରିବା ପାଇଁ ପ୍ରୟାସ କରୁ ଏବଂ ଆପଣ ଉପଭୋଗ କରି ପାରିବା ଭଳି ବିଷୟବସ୍ତୁ ପ୍ରଦର୍ଶନ କରିଥାଉ। ଆମେ ମଧ୍ୟ ଆପଣଙ୍କ ପ୍ଲାଟଫର୍ମରେ ଉପଲବ୍ଧ ଥିବା ବିଷୟବସ୍ତୁ ଡାଉନଲୋଡ କରିବା ପାଇଁ ଏବଂ ଆପଣଙ୍କ ଶେୟରଚେଟ୍ ଅଭିଜ୍ଞତା ସୋସିଆଲ ମିଡିଆ ପ୍ଲାଟଫର୍ମରେ ଶେୟର କରିବା ପାଇଁ ଅନୁମତି ଦେଇଥାଉ। ଆମର ସେବାଗୁଡ଼ିକ ଉପଯୋଗ କରିବା ପାଇଁ, ନିଜର ଫୋନ ନମ୍ବର ଓ ଏସଏମଏସ ଜରିଆରେ ଆମେ ପଠେଇଥିବା ୱାନ ଟାଇମ ପାସୱାର୍ଡ ପ୍ରବେଶ କରି ଆପଣ ନିହାତି ଭାବେ ଆମ ପ୍ଲାଟଫର୍ମରେ ପଞ୍ଜୀକରଣ କରିବେ। ଯେତେବେଳେ ଆପଣ ଶେୟରଚେଟ୍ ମୋବାଇଲ ଆପ୍ଲିକେସନ ଉପଯୋଗ କରି ଆମ ପାଖରେ ପଞ୍ଜୀକରଣ କରନ୍ତି, ଆପଣ ଆମକୁ ନିଜ ମୋବାଇଲ ଡିଭାଇସ ଫୋନ ବୁକ, ଆପଣଙ୍କ ଏସଏମଏସ ଇନ ବକ୍ସ ପଠନ କରିବା, ଆପଣଙ୍କ ମୋବାଇଲ ଗ୍ୟାଲେରୀ, ମୋବାଇଲ ଡିଭାଇସ ଷ୍ଟୋରେଜ ଏବଂ ମୋବାଇଲ ଡିଭାଇସ କ୍ୟାମେରା ଅଭିଗମ୍ୟତା କରିବା ପାଇଁ ଅନୁମତି ଦେଇଥାନ୍ତି। ତେବେ, ଆପଣଙ୍କ ଅନୁମତି ବିନା, ଆପଣଙ୍କ ମୋବାଇଲ ଓ କମ୍ୟୁଟରରେ ରହିଥିବା କୌଣସି ପ୍ରକାର ସୂଚନା ଆମେ ପଢ଼ି ନ ଥାଉ।

ଆପଣଙ୍କୁ ସେବାଗୁଡ଼ିକ ପ୍ରଦାନ କରିବା ପାଇଁ ଆମକୁ ଆପଣଙ୍କ ମୋବାଇଲର କେତେକ ବୈଶିଷ୍ଟ୍ୟ ଅଭିଗମ୍ୟତା କରିବା ଆବଶ୍ୟକ ହୋଇଥାଏ।

ଗୋପନୀୟତା ନୀତି#

ଆପଣଙ୍କୁ ପ୍ରଭାବଶାଳୀ ଭାବେ କୌଣସି ନୂଆ ସେବା ପ୍ରଦାନ କରିବା ଓ ଜଣାଇବା ପାଇଁ, ଆମେ କିଛି ନିର୍ଦ୍ଦିଷ୍ଟ ସୂଚନା ସଂଗ୍ରହ କରିଥାଉ ଯେପରି ଆପଣଙ୍କ ଫୋନ ନମ୍ବର, ଆପଣଙ୍କ ଲିଙ୍ଗ ଏବଂ ଆପଣଙ୍କ ଠାରୁ ଆପଣଙ୍କ ନାମ। ଆମେ ଆଗକୁ ଆଉ ଥରେ ଅତିରିକ୍ତ ସୂଚନା ପାଇଁ ଅନୁରୋଧ କରିପାରୁ ଓ ସଂଗ୍ରହ କରିପାରୁ। ଏଭଳି ସୂଚନା ସୁରକ୍ଷିତ ଭାବେ ଆମାଜନ ୱେବ ସର୍ଭିସରେ କିମ୍ବା "ଏଡବ୍ଲୁଏସ" କ୍ଲାଉଡ ସର୍ଭର ଓ "ଗୁଗଲ କ୍ଲାଉଡ ପ୍ଲାଟଫର୍ମ" କ୍ଲାଉଡ ସର୍ଭରରେ ଷ୍ଟୋର ହୋଇଥାଏ, ଏହିକ୍ରମେ ଏହା ଏଡବ୍ଲୁଏସ ଓ ଗୁଗଲ କ୍ଲାଉଡ ଗୋପନୀୟ ନୀତିର ସର୍ତ୍ତ ଅଧୀନସ୍ଥ ହୋଇଥାଏ। ସଂଗୃହୀତ ତଥ୍ୟ ବା ସୂଚନା ଆମେ କିଭଳି ସଂଗ୍ରହ, ବ୍ୟବହାର, ଅଂଶୀଦାର କରୁ ଓ ରଖୁ ସେ ନେଇ ଶେୟରଚେଟ୍ ଗୋପନୀୟତା ନୀତି ବ୍ୟାଖ୍ୟା କରେ। ଶେୟରଚେଟ୍ ଗୋପନୀୟତା ନୀତି ଆଇନ ଅନୁଯାୟୀ ଆପଣଙ୍କ ଅଧିକାର ଏବଂ ଆମକୁ ପ୍ରଦାନ କରୁଥିବା ତଥ୍ୟକୁ ଆପଣ କିପରି ନିୟନ୍ତ୍ରଣ କରି ପାରିବେ ତାହାର ବିବରଣୀ ଦିଏ।

ଶେୟରଚେଟ୍ ଗୋପନୀୟ ନୀତିରେ ଆମେ କିପରି ଏହି ସୂଚନା ବା ତଥ୍ୟ ରଖୁ ଓ ଉପଯୋଗ କରୁ ତାହାର ବ୍ୟାଖ୍ୟା କରିଛୁ।

ଆପଣଙ୍କ ପ୍ରତିବଦ୍ଧତା#

ବ୍ୟାପକ ସମୁଦାୟ ବା ଗୋଷ୍ଠୀ ପାଇଁ ଆବଶ୍ୟକ ସୁରକ୍ଷିତ ସେବା ପ୍ରଦାନ କରିବାକୁ ଆମେ ସମସ୍ତେ ନିଜର ଭୂମିକା ନିର୍ବାହ କରିବା ଜରୁରୀ। ସେବା ପ୍ରଦାନ କରିବା ପାଇଁ ଆମର ପ୍ରତିବଦ୍ଧତା ବଦଳରେ ଆମେ ଆପଣଙ୍କଠାରୁ କିଛି ପ୍ରତିବଦ୍ଧତା ଆବଶ୍ୟକ କରୁ। ଆମ ପାଇଁ ଆପଣଙ୍କ ପ୍ରତିବଦ୍ଧତା ହେଉଛି |ଦୟାକରି ଧ୍ୟାନ ଦିଅନ୍ତୁ ଯେ ଆପଣ ନିମ୍ନରେ ଦିଆଯାଇଥିବା ପ୍ରତିଶ୍ରୁତି ସହିତ ଶେୟରଚେଟ୍ ପ୍ଲାଟଫର୍ମରେ (ଏହି ସର୍ତ୍ତଗୁଡିକର କୌଣସି ଉଲ୍ଲଂଘନକୁ ଅନ୍ତର୍ଭୁକ୍ତ କରି) ଆପଣ ଗ୍ରହଣ କରିଥିବା କୌଣସି କାର୍ଯ୍ୟର ଖର୍ଚ୍ଚ ଏବଂ ପରିଣାମ ଆପଣ ବହନ କରିବେ | ଆମର ସେବାଗୁଡିକ ବ୍ୟବହାର କରି, ଆପଣ ନିମ୍ନଲିଖିତ ଏବଂ ସହମତ ଅଟନ୍ତି:

a. ନକଲି କିମ୍ବା ଭୁଲ ସୂଚନା ପ୍ରଦାନ ନ କରିବା#

ଯଦିଓ ଆମ ପ୍ଲାଟଫର୍ମରେ ଆପଣଙ୍କୁ ନିଜର ସଠିକ ନାମ ବ୍ୟବହାର କରିବା ଆବଶ୍ୟକ ନାହିଁ, ତେବେ ଆପଣଙ୍କୁ ଆମ ସେବା ପାଇଁ ନିଜର ସଠିକ ଫୋନ ନମ୍ବର ଓ ଲିଙ୍ଗ ଜଣାଇବାକୁ ହେବ। ଆମ ସେବା ବ୍ୟବହାର ପାଇଁ ଆପଣ ନିଜକୁ ଭୁଲ ଶୈଳୀରେ ଅନ୍ୟ ଜଣେ ବ୍ୟକ୍ତି କିମ୍ବା ଅନ୍ୟ କାହାର ପ୍ରତିନିଧି ଭାବେ ଉପସ୍ଥାପନ କରିବେ ନାହିଁ। ଯଦି ଥଟ୍ଟା ମଜା କିମ୍ବା ବ୍ୟଙ୍ଗ ପାଇଁ ଆପଣ ଏକ ହାସ୍ୟାତ୍ମକ ଏକାଉଣ୍ଟ ବା ପାରୋଡି ଏକାଉଣ୍ଟ ଅପରେଟ କରୁଛନ୍ତି, ତାହାଲେ ଆପଣ ନିହାତି ଭାବେ ଏ ନେଇ ନିଜର ଶେୟରଚେଟ୍ ଆତ୍ମଲିପିରେ ଉଲ୍ଲେଖ କରିବେ।

ଆମେ ହୁଏତ ଆପଣଙ୍କର ପ୍ରୋଫାଇଲ୍ ଅକ୍ଷମ କିମ୍ବା ସ୍ଥଗିତ ରଖିପାରିବା କିମ୍ବା ଅନ୍ୟାନ୍ୟ ପ୍ରାସଙ୍ଗିକ କାର୍ଯ୍ୟାନୁଷ୍ଠାନ ଗ୍ରହଣ କରିପାରିବା ଯଦି ଆପଣ ଆମକୁ ଭୁଲ ସୂଚନା ପ୍ରଦାନ କରନ୍ତି, ଯେପରିକି ଆପଣଙ୍କର ବୟସ ଏବଂ ଅନ୍ୟାନ୍ୟ ବିବରଣୀ |

b. ଡିଭାଇସ ବା ଉପକରଣ ସୁରକ୍ଷା#

ଆମ ପ୍ଲାଟଫର୍ମ ସୁରକ୍ଷିତ ବୋଲି ସୁନିଶ୍ଚିତ କରିବା ପାଇଁ ଆମେ ବିଭିନ୍ନ ପଦକ୍ଷେପ / ଉପାୟ ଲାଗୁ କରିଛୁ। ତଥାପି ଏ ନେଇ କିଛି ଗ୍ୟାରେଣ୍ଟି ନାହିଁ ଯେ ଆମ ପ୍ଲାଟଫର୍ମ ସମସ୍ତ ପ୍ରକାର ଭାଇରସ ଆକ୍ରମଣ ଓ ହ୍ୟାକିଂ ରୁ ସୁରକ୍ଷିତ। ଏହାର ସୁରକ୍ଷା ନିଶ୍ଚିତ କରିବାକୁ ଆପଣଙ୍କୁ ନିଜ ମୋବାଇଲ ଡିଭାଇସ ଓ କମ୍ପ୍ୟୁଟରରେ ଆବଶ୍ୟକ ଆଣ୍ଟି-ମାଲୱେୟାର ଓ ଆଣ୍ଟି-ଭାଇରସ ସଫ୍ଟୱେର ଅଛି ବୋଲି ସୁନିଶ୍ଚିତ କରିବେ। ଆପଣଙ୍କ ଫୋନ ନମ୍ବର ବ୍ୟବହାର ପାଇଁ ଆପଣ କାହାକୁ ଅନୁମତି ଦେବେ ନାହିଁ, ଏବଂ ଆପଣଙ୍କ ଫୋନ ନମ୍ବର ସହ ଏକାଧିକ ଏକାଉଣ୍ଟ ସମ୍ପୃକ୍ତି ପାଇଁ ମଧ୍ୟ ଅନୁମତି ଦେବେ ନାହିଁ। ଆପଣଙ୍କ ଫୋନ ନମ୍ବର ସହ ସମ୍ପୃକ୍ତ କୌଣସି ଏକାଉଣ୍ଟ ଦ୍ୱାରା ପୋଷ୍ଟ ହୋଇଥିବା ସମସ୍ତ ବିଷୟବସ୍ତୁ ପାଇଁ ଆପଣ ଦାୟୀ ରହିବେ।

ଆମ ସେବା ଉପଯୋଗ ପାଇଁ ଆମେ ସବୁକିଛି କରିଥାଉ, ତେବେ ଗୋଟିଏ କଥା ଧ୍ୟାନରେ ରଖନ୍ତୁ ଯେ ଆମ ପ୍ଲାଟଫର୍ମରେ ସବୁ ପ୍ରକାର ଆକ୍ରମଣ ହେବା ନେଇ ସବୁକିଛି ଆମେ ଅନୁଧ୍ୟାନ କରିପାରୁ ନାହୁଁ। ଆପଣ ଏକ ଅଭ୍ୟାସ ଭାବେ, ନିଶ୍ଚିତ କରିବେ ଯେ, ଆପଣଙ୍କ ମୋବାଇଲ ଡିଭାଇସ ଓ କମ୍ପ୍ୟୁଟର ଭୁଲ ଭାବେ ବ୍ୟବହାର ହେଉ ନାହିଁ କିମ୍ବା ଏଥିରେ କୌଣସି ପ୍ରକାର ହସ୍ତକ୍ଷେପ ନାହିଁ।

c. ବିଷୟବସ୍ତୁ ଅପସାରଣ ଓ ସମାପ୍ତ କରିବା#

ଆମ ପ୍ଲାଟଫର୍ମର ବ୍ୟବହାର ଶେୟରଚେଟ୍ ବିଷୟବସ୍ତୁ ଓ କମ୍ୟୁନିଟି ନିର୍ଦ୍ଦେଶାବଳୀ ଦ୍ୱାରା ପରିଚାଳିତ। ଯଦି ଆମର କୌଣସି ଉପଭୋକ୍ତା କୌଣସି ବିଷୟବସ୍ତୁକୁ ଶେୟରଚେଟ୍ କଣ୍ଟେଣ୍ଟ କମ୍ୟୁନିଟି ନିର୍ଦ୍ଦେଶାବଳୀ ବିରୋଧରେ ବୋଲି ରିପୋର୍ଟ କରନ୍ତି, ତା ହେଲେ ଆମେ ସେହି ବିଷୟବସ୍ତୁକୁ ଆମ ପ୍ଲାଟଫର୍ମରୁ ବାହାର କରିଦେଇପାରୁ। ଶେୟରଚେଟ୍ କଣ୍ଟେଣ୍ଟ ଓ କମ୍ୟୁନିଟି ନିର୍ଦ୍ଦେଶାବଳୀ ଉଲ୍ଲଂଘନ ନେଇ ଏକାଧିକ ରିପୋର୍ଟ କରାଗଲେ, ଆମେ ଆପଣଙ୍କ ଏକାଉଣ୍ଟ ବନ୍ଦ କରିପାରୁ ଓ ଆପଣଙ୍କୁ ଆମ ସହ ପୁନଃ ପଞ୍ଜୀକରଣ କରିବା ବ୍ଲକ ମଧ୍ୟ କରିପାରୁ। ଆପଣ ଯଦି ଏଭଳି କିଛି ବାହାର କରିବା ନେଇ ଆବେଦନ କରିବାକୁ ଚାହାଁନ୍ତି, ତାହାଲେ ଆପଣ ଆମକୁ grievance@sharechat.co ରେ ଲେଖି କରି ଜଣାଇ ପାରିବେ।

ଶେୟରଚେଟ୍ କଣ୍ଟେଣ୍ଟ ଓ କମ୍ୟୁନିଟି ନିର୍ଦ୍ଦେଶାବଳୀ ଅଧୀନରେ ନିଷେଧ କୌଣସି ବିଷୟବସ୍ତୁ ଆମ ପ୍ଲାଟଫର୍ମ ରେ ଶେୟର କରାଯାଇଥିଲେ ଆମେ ତାହାକୁ ବାହାର କରିଦେଇ ପାରୁ।

d. କୌଣସି ପ୍ରକାର ବେଆଇନ କିମ୍ବା ଅବୈଧ କାମ ପାଇଁ ପ୍ଲାଟଫର୍ମ ବ୍ୟବହାର ହେବ ନାହିଁ#

ଏକାଧିକ ଭାଷା ଓ ସଂସ୍କୃତି ଏବଂ ବିବିଧ ବିଷୟବସ୍ତୁଗୁଡ଼ିକ ଅନୁକୂଳ ହେବା ପାଇଁ ଆମ ପ୍ଲାଟଫର୍ମ ଡିଜାଇନ ହୋଇଛି। ଏହାର ପ୍ରଭାବ ପାଇଁ, ବିଷୟବସ୍ତୁର ପ୍ରବୃତ୍ତି ବର୍ଗୀକରଣ କରିବାକୁ ଆମେ ବିଭିନ୍ନ ଟେଗ ତିଆରି କରିଛୁ। ସେଥିପାଇଁ ଆପଣ ନିହାତି ଭାବରେ, ଆପଣ ଶେୟର କରିଥିବା ବିଷୟବସ୍ତୁ ପ୍ରବୃତ୍ତିକୁ ସଠିକ ଭାବେ ଚିହ୍ନଟ କରିବେ ଓ ଠିକ ଭାବେ ଟେଗ କରିବେ। ହିଂସ୍ର ବିଷୟବସ୍ତୁ ସହ ସମସ୍ତ ପରିପକ୍ୱ ବିଷୟବସ୍ତୁ "Non-Veg (ନନ୍-ଭେଜ୍)" ଭାବେ ଟେଗ ହେବା ଉଚିତ।

ତେବେ ଆପଣ ଅଶ୍ଳୀଳ, କାମୋଦ୍ଦୀପୋକ, ପିଲାମାନଙ୍କ ପାଇଁ କ୍ଷତିକାରକ, ଭେଦଭାବପୂର୍ଣ୍ଣ, ଘୃଣା ଭାବ ବଢ଼ାଉଥିବା ଭାଷଣ, କୌଣସି ବ୍ୟକ୍ତି ପାଇଁ ହିଂସା ବା ଘୃଣା ଜାଗ୍ରତ କରୁଥିବା, ଦେଶଦ୍ରୋହୀ ପ୍ରବୃତ୍ତିର କୌଣସି ବିଷୟବସ୍ତୁ ଆମ ପ୍ଲାଟଫର୍ମରେ ଶେୟର କରିପାରିବେ ନାହିଁ। ଏଥିସହ ଭାରତ ଗଣତନ୍ତ୍ରର କୌଣସି ଆଇନ ଉଲ୍ଲଂଘନ କରୁଥିବା କିମ୍ବା ଶେୟର କରିବା ପାଇଁ ପ୍ରତିବନ୍ଧକ ଥିବା ବିଷୟବସ୍ତୁ ମଧ୍ୟ ଶେୟର କରି ପାରିବେ ନାହିଁ। ଏଭଳି ବିଷୟବସ୍ତୁକୁ ହଟାଇବା ପାଇଁ ଆମ ପାଖରେ ଅଧିକାର ରହିଛି। ଅଧିକ ବିସ୍ତୃତି ପାଇଁ ଦୟାକରି ଶେୟରଚେଟ୍ କଣ୍ଟେଣ୍ଟ ଓ କମ୍ୟୁନିଟି ନିର୍ଦ୍ଦେଶାବଳୀ ପଢ଼ନ୍ତୁ।

ଉପରୋକ୍ତ ତଥ୍ୟ ଅତିରିକ୍ତ, ଦୟାକରି ଧ୍ୟାନ ଦିଅନ୍ତୁ ଯେ ସରକାରୀ ଅନୁରୋଧ କିମ୍ବା କୌଣସି ପ୍ରକାର ଆଇନଗତ ଦାୟିତ୍ୱ ଅନୁପାଳନ ପାଇଁ ପ୍ରକୃତରେ ଆବଶ୍ୟକ ବୋଲି ଆମକୁ ଭଲ ଭାବେ ବିଶ୍ୱାସ ହେଲେ; କିମ୍ବା ଆମ ସମ୍ପତ୍ତି ବା ସୁରକ୍ଷା, ଗ୍ରାହକ କିମ୍ବା ଜନସାଧାରଣଙ୍କର ଅଧିକାର ରକ୍ଷା କରିବା କିମ୍ବା କୌଣସି କ୍ଷତିରୁ ରକ୍ଷା କରିବା ପାଇଁ; କିମ୍ବା ସନ୍ଧାନ କରିବା ପାଇଁ, ରୋକିବା ପାଇଁ କିମ୍ବା ଅନ୍ୟ ପ୍ରକାରରେ କହିଲେ ଜନସାଧାରଣଙ୍କ ସୁରକ୍ଷା, ଦୁର୍ନୀତି, ସୁରକ୍ଷା କିମ୍ବା ଟେକ୍ନିକାଲ ପ୍ରସଙ୍ଗ ପାଇଁ ଆମେ ଉପଯୁକ୍ତ ଆଇନ ପ୍ରବର୍ତ୍ତନ ଅଧିକାରୀଙ୍କ ସହ ଆପଣଙ୍କ ସୂଚନା ଶେୟର କରିପାରୁ।ତେବେ ଆପଣ ଏହା ବୁଝନ୍ତି ଯେ, ଆମ ପ୍ଲାଟଫର୍ମ ବ୍ୟବାହାର ଶୈଳୀ ପାଇଁ ତୃତୀୟ ପକ୍ଷ ଦ୍ୱାରା କରାଯାଇଥିବା କୌଣସି କାର୍ଯ୍ୟକ୍ରମ ପାଇଁ ଆମେ ଦାୟୀ ରହିବୁ ନାହିଁ।

ଲୋକମାନେ ଏକତ୍ରିତ ହେବା ପାଇଁ ଆମେ ଏକ ପ୍ଲାଟଫର୍ମ ତିଆରି କରିଛୁ; ଦୟାକରି ଏଭଳି କିଛି ବିଷୟବସ୍ତୁ ଶେୟର କରନ୍ତୁ ନାହିଁ ଯାହା ଅବୈଧ କିମ୍ବା ସମାଜ କିମ୍ବା ସମୁଦାୟର ସଦସ୍ୟଙ୍କ କଲ୍ୟାଣ ପାଇଁ କ୍ଷତିକାରକ।

e. ବିଷୟବସ୍ତୁ ଅଧିକାର ଓ ଉତ୍ତରଦାୟିତ୍ୱ#

ସ୍ୱାଧୀନ ଭାବେ ମତ ବ୍ୟକ୍ତ କରିବା ନେଇ ଆମେ ଦୃଢ ଭାବେ ବିଶ୍ୱାସ କରୁ ଏବଂ ଫଟୋଗ୍ରାଫ, ଇମେଜ, ଭିଡ଼ିଓ, ମ୍ୟୁଜିକ, ଷ୍ଟାଟସ ଅପଡେଟ ଏବଂ ଅନ୍ୟ ବିଷୟବସ୍ତୁ ଶେୟର ପାଇଁ ଅନୁମତି ଦେଇଥାଉ। ଆପଣ ଶେୟର କରିଥିବା କୌଣସି ବିଷୟବସ୍ତୁ ଉପରେ ଆମର କିଛି ମାଲିକାନା ନାହିଁ ଏବଂ ବିଷୟବସ୍ତୁ ନେଇ ଅଧିକାର କେବଳ ଆପଣଙ୍କ ପାଖରେ ହିଁ ରହିଥାଏ। ଆମର କିମ୍ବା କୌଣସି ତୃତୀୟ ପକ୍ଷର ବୌଦ୍ଧିକ ସମ୍ପତ୍ତି ଅଧିକାରକୁ ଉଲ୍ଲଂଘନ କରିବା ପାଇଁ ଆପଣ ଆମ ପ୍ଲାଟଫର୍ମ ବ୍ୟବହାର କରିବେ ନାହିଁ। ଏହିଭଳି ବିଷୟବସ୍ତୁ ଶେୟରଚେଟ୍ କଣ୍ଟେଣ୍ଟ ଏବଂ କମ୍ୟୁନିଟି ନିର୍ଦ୍ଦେଶାବଳୀ ବିରୋଧୀ ଏବଂ ଏହାକୁ ପ୍ଲାଟଫର୍ମରୁ ବାହାର କରି ଦିଆଯାଇ ପାରେ। ଏଥିସହ, ଯଦି ଆମ ଦ୍ୱାରା ପ୍ରସ୍ତୁତ କୌଣସି ବିଷୟବସ୍ତୁ ଆପଣ ବ୍ୟବହାର କରନ୍ତି, ତାହେଲେ ସେହି ବିଷୟବସ୍ତୁର ବୌଦ୍ଧିକ ସମ୍ପତ୍ତି ଅଧିକାର ଆମେ ଜାରି ରଖିବୁ।

ଆମ ସେବାଗୁଡ଼ିକ ବ୍ୟବହାର କରି ଆପଣ ଶେୟରିଙ୍ଗ/ ପୋଷ୍ଟିଙ୍ଗ/ ଅପଲୋଡିଙ୍ଗ କରିବା ଦ୍ୱାରା, ଆପଣ ଆମକୁ ନନ-ଏକ୍ସକ୍ଲୁସିଭ, ରୟାଲଟି-ଫ୍ରି, ଟ୍ରାନ୍ସଫରେବଲ, ସବ-ଲାଇସେନ୍ସବଲ ର ବିଶ୍ୱସ୍ତରୀୟ ଲାଇସେନସ ପ୍ରଦାନ କରନ୍ତି। ଆମେ ଆପଣଙ୍କ ବିଷୟବସ୍ତୁକୁ ରଖିବା, ବ୍ୟବହାର କରିବା, ବିତରଣ କରିବା, ଚଲାଇବା, ପ୍ରତିଲିପି କରିବା, ଜନସାଧାରଣରେ ପ୍ରଦର୍ଶନ କରିବା, ଅନୁବାଦ ଏବଂ ଅନୁକରଣ କରିବା ଭଳି କାମ କରିବୁ। କୌଣସି ସମୟରେ ଆପଣ ନିଜ ବିଷୟବସ୍ତୁ ଓ/କିମ୍ବା ଏକାଉଣ୍ଟ ବିଲୋପ କରି ପାରିବେ। ଯଦି ଆପଣଙ୍କ ବିଷୟବସ୍ତୁକୁ ଅନ୍ୟ କେହି ଶେୟର କରିଛନ୍ତି ତାହେଲେ ଏହା ପ୍ଲାଟଫର୍ମରେ ଦେଖାଯିବା ଜାରି ରହିବ। ଆମେ ସୂଚନା କିପରି ବ୍ୟବହାର କରୁ ଏବଂ ଆପଣଙ୍କ ବିଷୟବସ୍ତୁ କିପରି ନିୟନ୍ତ୍ରଣ କରୁ କିମ୍ବା ବିଲୋପ କରୁ ତାହା ଜାଣିବା ପାଇଁ, ଦୟାକରି ପଢ଼ନ୍ତୁ ଶେୟରଚେଟ୍ ଗୋପନୀୟତା ନୀତି।

ଆମ ପ୍ଲାଟଫର୍ମରେ ଆପଣ ପୋଷ୍ଟ କରିଥିବା ବିଷୟବସ୍ତୁ ପାଇଁ କେବଳ ଆପଣ ହିଁ ଏକାକୀ ଦାୟୀ ରୁହନ୍ତି। ଆମ ପ୍ଲାଟଫର୍ମରେ କିମ୍ବା ପ୍ଲାଟଫର୍ମ ଜରିଆରେ ଶେୟର କିମ୍ବା ପୋଷ୍ଟ କରାଯାଇଥିବା କୌଣସି ବିଷୟବସ୍ତୁକୁ, ଏବଂ ଏହାର ପରିଣତିକୁ ଆମେ ସମର୍ଥନ କରୁନାହୁଁ ଏଥିପାଇଁ ଆମେ ଦାୟୀ। ଆପଣ ଶେୟର କରିଥିବା ବିଷୟବସ୍ତୁରେ ଆମ ଲୋଗୋର ଉପସ୍ଥିତି କିମ୍ବା କୌଣସି ଟ୍ରେଡ ମାର୍କ ର ଅର୍ଥ ନୁହେଁ ଆମେ ଆପଣଙ୍କ ବିଷୟବସ୍ତୁକୁ ସମର୍ଥନ କରୁ କିମ୍ବା ପ୍ରାୟୋଜିତ କରୁ। ଏଥିସହ, ଆପଣ କିମ୍ବା ପ୍ଲାଟଫର୍ମ ବ୍ୟବହାର କରୁଥିବା ଅନ୍ୟମାନଙ୍କ ଦ୍ୱାରା କରାଯାଇଥିବା କିମ୍ବା ପ୍ରବେଶ ହୋଇଥିବା କୌଣସି ଟ୍ରାଞ୍ଜାକ୍ସନର ପରିଣତି ନେଇ ଆମେ ଦାୟୀ ରହିବୁ ନାହିଁ।

ଶେୟର କରିଥିବା ବିଷୟବସ୍ତୁ ପାଇଁ ସବୁବେଳେ ଆପଣଙ୍କ ମାଲିକାନା ଓ ଦାୟିତ୍ୱ ରହିବ। ଆପଣଙ୍କ ବିଷୟବସ୍ତୁ ଉପରେ ଆମର ବୌଦ୍ଧିକ ସମ୍ପତ୍ତି ଅଧିକାର ଅଛି ବୋଲି ଆମେ କେବେ ବି ଦାବି କରିବୁ ନାହିଁ, କିନ୍ତୁ ଆପଣ ଯାହା ଶେୟର କରୁଛନ୍ତି ଓ ପ୍ଲାଟଫର୍ମରେ ପୋଷ୍ଟ କରୁଛନ୍ତି ତାହାକୁ ବିନା ମୂଲ୍ୟରେ, ସବୁ ସମୟରେ ବ୍ୟବହାର ପାଇଁ ଆମ ପାଖରେ ଅଧିକାର ରହିବ।

f. ମଧ୍ୟବର୍ତ୍ତୀ ସ୍ଥିତି ଏବଂ ଉତ୍ତରଦାୟିତ୍ୱ ନାହିଁ#

ସସୂଚନା ପ୍ରଯୁକ୍ତିବିଦ୍ୟା ଅଧିନିୟମ, 2000 ଏବଂ ସୂଚନା ପ୍ରଯୁକ୍ତିବିଦ୍ୟା (ମଧ୍ୟବର୍ତ୍ତୀ ଗାଇଡଲାଇନ ଏବଂ ଡିଜିଟାଲ ମିଡିଆ ନୈତିକ ସଂକେତ) ନିୟମ, 2021 ଅନୁଯାୟୀ ବ୍ୟାଖ୍ୟା କରାଯାଇଥିବା ପରି ଆମେ ମଧ୍ୟସ୍ଥି ଅଟୁ। ଏହି ସର୍ତ୍ତାବଳୀ ସୂଚନା ପ୍ରଯୁକ୍ତିର ନିୟମ 3 (1) ଅନୁଯାୟୀ ପ୍ରକାଶିତ ହୋଇଛି। ମଧ୍ୟବର୍ତ୍ତୀ ଗାଇଡଲାଇନ ଏବଂ ଡିଜିଟାଲ ମିଡିଆ ନୈତିକ ସଂକେତ) ନିୟମ, 2021 ଯାହା ଆମର ପ୍ଲାଟଫର୍ମକୁ ପ୍ରବେଶ ଏବଂ ବ୍ୟବହାର ପାଇଁ ନିୟମ ଏବଂ ନିୟମାବଳୀ, ଶେୟରଚେଟ୍ ଗୋପନୀୟତା ନୀତି ଏବଂ ଶେୟରଚେଟ୍ ବ୍ୟବହାର ସର୍ତ୍ତାବଳୀ ପ୍ରକାଶନ ଆବଶ୍ୟକ କରେ | ଆମର ଭୂମିକା ଉପଭୋକ୍ତାମାନଙ୍କୁ ବିଷୟବସ୍ତୁ ଅପଲୋଡ୍, ଅଂଶୀଦାର ଏବଂ ପ୍ରଦର୍ଶନ କରିବାକୁ, ଏକ ପ୍ଲାଟଫର୍ମ ପ୍ରଦାନରେ ସୀମିତ ଏବଂ ତୁମ ଏବଂ ଅନ୍ୟ ଉପଭୋକ୍ତାମାନଙ୍କ ଦ୍ୱାରା ସୃଷ୍ଟି କିମ୍ବା ଅଂଶୀଦାର |

ଲୋକମାନେ କଣ କୁହନ୍ତି କିମ୍ବା କରନ୍ତି ଆମେ ତାହା ନିୟନ୍ତ୍ରଣ କରୁ ନାହିଁ ଏବଂ ଆମେ ମଧ୍ୟ ସେମାନଙ୍କର (କିମ୍ବା ଆପଣଙ୍କର) କାର୍ଯ୍ୟ (ଅନଲାଇନ କିମ୍ବା ଅଫଲାଇନ) ପାଇଁ ଦାୟୀ ନୁହେଁ। ଅନ୍ୟମାନେ ପ୍ରଦାନ କରିଥିବା ସେବା ଓ ଫିଚରକୁ ଆପଣ ଆମ ସେବା ମାଧ୍ୟମରେ ଅଭିଗମ୍ୟତା କରିଥିଲେ ମଧ୍ୟ ଆମେ ସେଥିପାଇଁ ଦାୟୀ ନୁହେଁ। ଆମ ପ୍ଲାଟଫର୍ମରେ ହୋଇଥିବା କୌଣସି ଘଟଣା ପାଇଁ ଆମର ଦାୟିତ୍ୱ କଡ଼ାକଡ଼ି ଭାବେ ଭାରତର ଗଣତନ୍ତ୍ରର ଆଇନ ଅନୁଯାୟୀ ଶାସିତ ଏବଂ ସେହି ସୀମା ପର୍ଯ୍ୟନ୍ତ ସୀମିତ। ଆପଣ ସହମତ ଯେ, ଏସବୁ ସର୍ତ୍ତ ପାଇଁ ଉତ୍ପନ୍ନ ହେଉଥିବା କୌଣସି ପ୍ରକାରର କ୍ଷତି, ଅର୍ଥହାନୀ, ସୂଚନା କିମ୍ବା ଡାଟା କିମ୍ବା ପରିଣାମ, ସ୍ୱତନ୍ତ୍ର, ପ୍ରତ୍ୟକ୍ଷ ହୋଇନଥିବା, ଅନୁକରକଣୀୟ, ଦଣ୍ଡନୀୟ କିମ୍ବା ଆକସ୍ମିକ କ୍ଷତି ପାଇଁ ଆମେ ଦାୟୀ ରହିବୁ ନାହିଁ, ଯଦିଓ ଏହା ସମ୍ଭବ ବୋଲି ଆମକୁ ଜଣା। ଆମେ ଯେତେବେଳେ ଆପଣଙ୍କ ବିଷୟବସ୍ତୁ ସୂଚନା କିମ୍ବା ଏକାଉଣ୍ଟ ବିଲୋପ କରୁ ତାହା ଏହାକୁ ଅନ୍ତର୍ଭୁକ୍ତ କରେ।

ଆମ ଭାରତୀୟ ଆଇନ ଅଧୀନସ୍ଥ ମଧ୍ୟସ୍ଥି। ଆମ ପ୍ଲାଟଫର୍ମରେ ଲୋକମାନେ କଣ ପୋଷ୍ଟ କରିବେ ତାହା ଆମେ ନିୟନ୍ତ୍ରଣ କରୁ ନାହିଁ। କିନ୍ତୁ ଆମେ ଆଶା କରୁ ଯେ ସମସ୍ତେ ଶେୟରଚେଟ୍ କଣ୍ଟେଣ୍ଟ ଓ କମ୍ୟୁନିଟି ନିର୍ଦ୍ଦେଶାବଳୀର ଅନୁପାଳନ କରନ୍ତୁ।

g. ଆପଣ ଶେୟରଚେଟ୍ ରେ କୌଣସି ପ୍ରକାର ବ୍ୟତିକ୍ରମ କିମ୍ବା ଅସୁବିଧା ସୃଷ୍ଟି କରିବାର ପ୍ରୟାସ କରିବେ ନାହିଁ।#

ଆମେ ଏକ କମ୍ୟୁନିଟି ସଂଚାଳିତ ପ୍ଲାଟଫର୍ମ ତିଆରି କରିଛୁ। ସେଥିପାଇଁ, ଆପଣ ଆମ ପ୍ଲାଟଫର୍ମ, ସେବା ଓ ଆମ ଟେକ୍ନିକାଲ ଡେଲିଭରି ସିଷ୍ଟମର ନନ-ପବ୍ଲିକ (ସର୍ବସାଧାରଣଙ୍କ ପାଇଁ ଉଦ୍ଦିଷ୍ଟ ନଥିବା) ସ୍ଥାନରେ ହସ୍ତକ୍ଷେପ କରିବେ ନାହିଁ ବୋଲି ସହମତ ହେବେ। କୌଣସି ଉପଭୋକ୍ତାଙ୍କ ସୂଚନା ପାଇଁ ଆପଣ କୌଣସି ପ୍ରକାର ଟ୍ରୋଜନ, ଭାଇରସ, କୌଣସି ଅନ୍ୟ ଖରାପ ସଫ୍ଟୱେର, କୌଣସି ବଟ୍ସ କିମ୍ବା ସ୍କାପ ଆମ ପ୍ଲାଟଫର୍ମରେ ଆଣି ପାରିବେ ନାହିଁ। ଏଥିସହ, ଆମ ଦ୍ୱାରା ଲାଗୁ କିମ୍ବା କାର୍ଯ୍ୟକାରୀ ହୋଇଥିବା କୌଣସି ସିଷ୍ଟମ ବା ବ୍ୟବସ୍ଥା, ସୁରକ୍ଷା କିମ୍ବା ପ୍ରମାଣୀକରଣ ଉପାୟର ବୈଧତା ପାଇଁ ଆପଣ ଯାଞ୍ଚ, ସ୍କାନ କିମ୍ବା ପରୀକ୍ଷା କରି ପାରିବେ ନାହିଁ। ଆମର ପ୍ରଯୁକ୍ତିବିଦ୍ୟା ଡିଜାଇନ ସହ ଯଦି ଆପଣ କୌଣସି ପ୍ରକାର ହସ୍ତକ୍ଷେପ କରନ୍ତି କିମ୍ବା ଏଥିପାଇଁ ଚେଷ୍ଟା କରନ୍ତି, ତାହେଲେ ଆମେ ଆପଣଙ୍କର ୟୁଜର ପ୍ରୋଫାଇଲ ବନ୍ଦ କରିଦେଇପାରୁ। ଏଥିସହ ଏଭଳି କାର୍ଯ୍ୟକଳାପ ନେଇ ଆମେ ଉପଯୁକ୍ତ ଆଇନ ପ୍ରବର୍ତ୍ତନ ପ୍ରାଧିକରଣକୁ ରିପୋର୍ଟ କରି ପାରୁ ଏବଂ ଆପଣଙ୍କ ବିରୋଧରେ ଆଇନଗତ କାର୍ଯ୍ୟାନୁଷ୍ଠାନ ନେଇ ଆଗେଇପାରୁ।
ଆମ ପ୍ଲାଟଫର୍ମରେ ଆପଣ କୌଣସି ପ୍ରକାର ସମସ୍ୟା ଥିବା ସଫ୍ଟୱେର ହ୍ୟାକ କରିବେ କିମ୍ବା ଆଣିବେ ନାହିଁ। ଆପଣ ଯଦି ଏଭଳି କରନ୍ତି, ତାହେଲେ ଆମେ ଆପଣଙ୍କୁ ପ୍ଲାଟଫର୍ମରୁ ବାହାର କରି ଦେଇ ପାରୁ ଏବଂ ପୋଲିସକୁ ଆପଣଙ୍କ କାର୍ଯ୍ୟକଳାପ ନେଇ ରିପୋର୍ଟ କରି ପାରୁ।

ଲାଇଭ୍#

ଶେୟରଚେଟ୍ ପ୍ଲାଟଫର୍ମର ଏକ ଅଂଶ ଭାବରେ ଆମେ ଲାଇଭସ୍ ବୈଶିଷ୍ଟ୍ୟ ପ୍ରଦାନ କରୁ ଯାହା ଆପଣଙ୍କୁ ପ୍ଲାଟଫର୍ମରେ ନିଜ ରିଅଲ୍ ଟାଇମ୍ ଭିଡିଓ ପ୍ରସାରଣ କରିବାକୁ ଅନୁମତି ଦିଏ | ଅନ୍ୟ ଉପଭୋକ୍ତାମାନେ ଆପଣଙ୍କ ଦ୍ୱାରା ପ୍ରସାରିତ ଲାଇଭ୍ ଭିଡିଓଗୁଡିକ ଉପରେ ମନ୍ତବ୍ୟ କରିପାରିବେ ଯାହା ରିଅଲ୍ ଟାଇମ୍ ଯୋଗାଯୋଗ ପାଇଁ ଅନୁମତି ଦିଆଯାଏ |

ଜୀବନ ବୈଶିଷ୍ଟ୍ୟ ବ୍ୟବହାର କରି ଅପଲୋଡ୍ ହୋଇଥିବା ସମସ୍ତ ବିଷୟବସ୍ତୁ ଶେୟରଚେଟ୍ ବିଷୟବସ୍ତୁ ଏବଂ ସମ୍ପ୍ରଦାୟ ନିର୍ଦ୍ଦେଶାବଳୀ ଅଧୀନରେ | ଏହି ବୈଶିଷ୍ଟ୍ୟ ବ୍ୟବହାର କରି ଅପଲୋଡ୍ ହୋଇଥିବା କୌଣସି ବିଷୟବସ୍ତୁକୁ ତୁରନ୍ତ ଅପସାରଣ କରିବାର ଅଧିକାର ଆମେ ସଂରକ୍ଷିତ ରଖିଛୁ ଯାହା ଏହି ସର୍ତ୍ତାବଳୀ ଏବଂ ଶେୟରଚେଟ୍ ବିଷୟବସ୍ତୁ ଏବଂ ସମ୍ପ୍ରଦାୟ ନିର୍ଦ୍ଦେଶାବଳୀ ଉଲ୍ଲଂଘନ କରୁଛି |

ଆମେ ସମୟ ସମୟରେ, ଜୀବନ ବୈଶିଷ୍ଟ୍ୟର କାର୍ଯ୍ୟକାରିତାକୁ ଯୋଗ, ଅପସାରଣ କିମ୍ବା ପରିବର୍ତ୍ତନ କରିପାରିବା | ଆମେ ଯେକୌଣସି ସମୟରେ ଶେୟରଚେଟ୍ ପ୍ଲାଟଫର୍ମରୁ ଲାଇଭ୍ ବୈଶିଷ୍ଟ୍ୟ ମଧ୍ୟ ବନ୍ଦ କରିପାରିବା | ଆମେ ୱାରେଣ୍ଟ କରୁନାହୁଁ ଯେ ଲାଇଭସ୍ ବୈଶିଷ୍ଟ୍ୟ ତ୍ରୁଟିମୁକ୍ତ କିମ୍ବା ସର୍ବଦା ଉପଲବ୍ଧ ହେବ, ଲାଇଭ୍ ବୈଶିଷ୍ଟ୍ୟ ସର୍ବଦା ବାଧା ବିନା କାର୍ଯ୍ୟ କରିବ, କିମ୍ବା ଲାଇଭ୍ ବୈଶିଷ୍ଟ୍ୟ ବ୍ୟବହାର କରି ଅନ୍ୟ ଉପଭୋକ୍ତାମାନଙ୍କ ଦ୍ୱାରା ପୋଷ୍ଟ କରାଯାଇଥିବା କୌଣସି ବିଷୟବସ୍ତୁ ସଠିକ୍ ହେବ |

ଅନ୍ୟ ଉପଭୋକ୍ତାମାନଙ୍କ ସହିତ ଏକ ରିଅଲ୍-ଟାଇମ୍ ଭିତ୍ତିରେ ଯୋଗାଯୋଗ କରିବା ପାଇଁ ଆମେ ଲାଇଭ୍ ବୈଶିଷ୍ଟ୍ୟ ପ୍ରଦାନ କରୁ କିନ୍ତୁ ଶେୟରଚେଟ୍ ବିଷୟବସ୍ତୁ ଏବଂ ସମ୍ପ୍ରଦାୟ ନିର୍ଦ୍ଦେଶାବଳୀ ଅନୁଯାୟୀ ନିଷେଧ ବିଷୟବସ୍ତୁ ଅପଲୋଡ୍ କରିବାକୁ ଆପଣ ବୈଶିଷ୍ଟ୍ୟର ଅପବ୍ୟବହାର କରିବେ ନାହିଁ | ଏହି ବୈଶିଷ୍ଟ୍ୟର ଅବିରତ ଉପଲବ୍ଧତାକୁ ଆମେ ୱାରେଣ୍ଟି କରୁନାହୁଁ |

ଶେୟରଚେଟ୍ ଷ୍ଟାର କ୍ରିଏଟର୍ସ#

ପ୍ଲାଟଫର୍ମରେ ଥିବା ସମସ୍ତ ‘ଶେୟରଚେଟ୍ ଷ୍ଟାର୍ କ୍ରିଏଟର୍ସ’, ଅର୍ଥାତ୍ ଆମର ସହଭାଗୀ ସୃଷ୍ଟିକର୍ତ୍ତାମାନେ ଏକ ନୀଳ ସୀମା ସହିତ ପରିଚିତ ଅଟନ୍ତି (ସେମାନଙ୍କ ପ୍ରୋଫାଇଲ୍ ଚିତ୍ରରେ ଧଳା ସୀମା ବଦଳରେ) | ଆମେ ଏହିପରି ‘ଷ୍ଟାର୍ କ୍ରିଏଟର୍ସ’ ସହିତ ବିଷୟବସ୍ତୁ ଲାଇସେନ୍ସ, କିମ୍ବା ମାର୍କେଟିଂ ବ୍ୟବସ୍ଥାରେ ପ୍ରବେଶ କରିପାରିବା

ଅନୁପାଳନ ଆବଶ୍ୟକତା#

ପ୍ରଯୁଜ୍ୟ ନିୟମାବଳୀ ଅନୁଯାୟୀ ପ୍ରାସଙ୍ଗିକ ସମ୍ବାଦ ଏବଂ ସାମ୍ପ୍ରତିକ ବ୍ୟାପାର ପ୍ରକାଶକମାନେ ସେମାନଙ୍କର ଶେୟରଚେଟ୍ ୟୁଜର ଆକାଉଣ୍ଟଗୁଡିକର ସୂଚନା ଏବଂ ପ୍ରସାରଣ ମନ୍ତ୍ରଣାଳୟକୁ ବିବରଣୀ ପ୍ରଦାନ କରିବା ଆବଶ୍ୟକ |

ଆପଣ ଆମକୁ ଦେଇଥିବା ଅନୁମତି#

ଆପଣ ଏସବୁ ସର୍ତ୍ତ ଗ୍ରହଣ କରନ୍ତି ଏବଂ ଆମକୁ କିଛି ଅନୁମତି ଦିଅନ୍ତି ଯାହା ଦ୍ୱାରା ଆମେ ଆପଣଙ୍କୁ ଭଲ ଭାବେ ସେବା ପ୍ରଦାନ କରି ପାରିବୁ। ଆପଣ ଆମକୁ ଦେଇଥିବା ଅନୁମତି ଗୁଡ଼ିକ ହେଉଛି:

a. ତୃତୀୟ ପକ୍ଷ ସହ ଆପଣଙ୍କ ପ୍ରୋଫାଇଲ ତଥ୍ୟ ଅଂଶୀଦାର କରିବା#

ଯେହେତୁ ଆମ ପ୍ଲାଟଫର୍ମ ମାଗଣାରେ ପାଇ ହେଉଥିବା ଏବଂ ବ୍ୟବହାର କରିହେଉଥିବା ଏକ ପ୍ଲାଟଫର୍ମ, ଏଥିପାଇଁ ଆମକୁ ଅର୍ଥ ଉପାର୍ଜନ କରିବାକୁ ଆବଶ୍ୟକ ହୋଇଥାଏ, ଯାହାଦ୍ୱାରା ଆମେ ଆପଣଙ୍କୁ ମାଗଣାରେ ସେବା ପ୍ରଦାନ କରିବା ଜାରି ରଖି ପାରିବୁ। ଏହା ଅନୁସାରେ, ଆପଣଙ୍କୁ କୌଣସି ପ୍ରକାର ପ୍ରାୟୋଜିତ ବିଷୟବସ୍ତୁ କିମ୍ବା ବିଜ୍ଞାପନ ପ୍ରଦର୍ଶନ କରାଇବାକୁ ଆମେ ଆପଣଙ୍କ ୟୁଜର ନାମ ଓ ଲିଙ୍ଗ, ଏବଂ ଆମ ପ୍ଲାଟଫର୍ମରେ ଆପଣଙ୍କ ଉପଯୋଗ ଓ ଶୈଳୀ ସଂପର୍କୀତ ଅନ୍ୟ ତଥ୍ୟ ସଂଗ୍ରହ କରିପାରୁ। ତେବେ, ଯଦି ବିଜ୍ଞାପିତ କୌଣସି ସାମଗ୍ରୀ ଆପଣ କିଣନ୍ତି, ତାହେଲେ ଆମେ ଆପଣଙ୍କୁ କୌଣସି ପ୍ରକାର ରେଭେନ୍ୟୁ ଭାଗ ଦେବା ପାଇଁ ଉତ୍ତରଦାୟୀ ନୋହୁଁ। ଆମେ କୌଣସି ସାମଗ୍ରୀ ବା ପ୍ରଡକ୍ଟକୁ ସମର୍ଥନ କରୁନାହୁଁ କିମ୍ବା କୌଣସି ସାମଗ୍ରୀର ପ୍ରମାଣୀକରଣ ପାଇଁ ସାକ୍ଷ୍ୟ ପ୍ରଦାନ କରୁନାହୁଁ। ଉପଭୋକ୍ତାଙ୍କ ଦ୍ୱାରା ଆମ ପ୍ଲାଟଫର୍ମରେ କେବଳ ସାମଗ୍ରୀର ବିଜ୍ଞାପନ ଆମର ସେହି ସାମଗ୍ରୀକୁ ସମର୍ଥନ ବୋଲି ବୁଝାଇବ ନାହିଁ।

ଯଦି ଆମେ କୌଣସି ପ୍ରକାର ସମ୍ବେଦନମୂଳକ ବ୍ୟକ୍ତିଗତ ସୂଚନା ବା ତଥ୍ୟ ଶେୟର କରୁ ଯେପରି ଜାତି, ସଂପ୍ରଦାୟ କିମ୍ବା ସ୍ୱାସ୍ଥ୍ୟଗତ ସୂଚନା, ବାୟୋମେଟ୍ରିକ୍ସ ଇତ୍ୟାଦି, ତାହେଲେ ଏହା ଶେୟର କରିବା ପୂର୍ବରୁ ଆମେ ଆପଣଙ୍କ ସହମତି ପାଇଁ ପଚାରିବୁ।

b. ସ୍ୱୟଂଚାଳିତ ଡାଉନଲୋଡ ଓ ଅପଡେଟ#

ଆମେ ନିରନ୍ତର ଆମର ପ୍ଲାଟଫର୍ମ ଓ ପ୍ରଦାନ କରାଯାଉଥିବା ସେବା ଅପଡେଟ କରୁଛୁ। ଆମ ପ୍ଲାଟଫର୍ମ ବ୍ୟବହାର କରିବା ପାଇଁ, ଆପଣଙ୍କୁ ନିଜ ମୋବାଇଲ ଡିଭାଇସରେ ଶେୟରଚେଟ୍ ମୋବାଇଲ ଆପ୍ଲିକେସନ ଡାଉନଲୋଡ କରିବା ଓ ଏହାକୁ ସମୟ ସମୟରେ ଅପଡେଟ କରିବା ଆବଶ୍ୟକ ହୋଇପାରେ।

ଆପଣଙ୍କ ଉପଯୋଗ ପାଇଁ ଆପ୍ଲିକେସନ ଓ ସଫ୍ଟୱେର ନିରନ୍ତର ଅପଡେଟ ହୋଇଥାଏ ଏବଂ ପ୍ରତିଥର ଏଭଳି ଅପଡେଟ କରାଗଲେ, ଆପଣଙ୍କୁ ନିଜ ମୋବାଇଲ ଡିଭାଇସ ରେ ଶେୟରଚେଟ୍ ର ସବୁଠାରୁ ନୂଆ ସଂସ୍କରଣ ଇନଷ୍ଟଲ କରିବା ଆବଶ୍ୟକ ହୋଇପାରେ।

c. କୁକିଜ ବ୍ୟବହାର କରିବାର ଅନୁମତି#

ଆପଣଙ୍କ ସେବାର ଉପଯୋଗ ଏବଂ ତୃତୀୟ ପକ୍ଷ ୱେବସାଇଟ ଅନୁଯାୟୀ ସୂଚନା ସଂଗ୍ରହ କରିବା ଓ ରଖିବା ପାଇଁ ଆମେ କୁକିଜ, ପିକ୍ସେଲ ଟେଗ, ୱେବ ବିକନ, ମୋବାଇଲ ଡିଭାଇସ ଆଇଡି, ଫ୍ଲାସ କୁକିଜ ଏବଂ ସେହିଭଳି ଫାଇଲ କିମ୍ବା ଟେକ୍ନୋଲୋଜି ବ୍ୟବହାର କରିପାରୁ। ଏହି ବିଭାଗରେ ବର୍ଣ୍ଣିତ କୁକି ଓ ଅନ୍ୟ ଟେକ୍ନୋଲୋଜିର ବ୍ୟବହାର ସମେତ, ଏହି ଟେକ୍ନୋଲୋଜି ପାଇଁ ଆପଣଙ୍କ ପସନ୍ଦ ସମ୍ପର୍କିତ ଅଧିକ ସୂଚନା ପାଇଁ ଦୟାକରି ଶେୟରଚେଟ୍ କୁକି ନୀତିକୁ ଦେଖନ୍ତୁ।

ସମସ୍ତ ୱେବସାଇଟ କୁକି ବ୍ୟବହାର କରନ୍ତି ଏବଂ ସେଗୁଡ଼ିକୁ ଆପଣଙ୍କ ୱେବ ବ୍ରାଉଜରରେ ଷ୍ଟୋର କରନ୍ତି, ଯାହା ଫଳରେ ଆପଣଙ୍କ ବ୍ରାଉଜରରେ ଉପଯୋଗ ସୂଚନା ଷ୍ଟୋର ଓ ଲଗ ଇନ ହୋଇ ପାରିବ। ଅଧିକ ବିସ୍ତୃତି ପାଇଁ, ଦୟାକରି ଶେୟରଚେଟ୍ କୁକି ନୀତିକୁ ପଢ଼ନ୍ତୁ।

d. ଡାଟା ରଖିବା#

ଆପଣଙ୍କ ପ୍ଲାଟଫର୍ମ ବ୍ୟବହାର / ଉପଯୋଗ ବିଷୟରେ କିଛି ସୂଚନା ରଖିବାକୁ ଆମ ପାଖରେ ଅଧିକାର ଅଛି। ଆମ ଦ୍ୱାରା ଆପଣଙ୍କ ସୂଚନା ସଂଗ୍ରହ, ଷ୍ଟୋରେଜ ଓ ବ୍ୟବହାର ସଂପର୍କୀତ ଅଧିକ ତଥ୍ୟ ପାଇଁ ଦୟାକରି ଶେୟରଚେଟ୍ ଗୋପନୀୟତା ନିୟମ ଦେଖନ୍ତୁ।

ଆପଣଙ୍କ ସମ୍ପର୍କିତ ଓ ଆପଣଙ୍କ ଦ୍ୱାରା ପ୍ରଦତ୍ତ ସୂଚନା ଷ୍ଟୋର କରିବା ଓ ଧାରଣ କରିବାକୁ ଆପଣ ଆମକୁ ଅଧିକାର ପ୍ରଦାନ କରନ୍ତି। ଅଧିକ ବିସ୍ତୃତି ପାଇଁ ଦୟାକରି ଗୋପନୀୟତା ନିୟମ ଦେଖନ୍ତୁ।

ଆମର ସହମତି ବା ରାଜିନାମା ଏବଂ ଯଦି ଆମେ ଅସହମତ ହେଉ କଣ ହୁଏ#

a. ଏହି ସର୍ତ୍ତ ଅଧୀନରେ କାହାର ଅଧିକାର ଅଛି#

ଏହି ସର୍ତ୍ତ ଅଧୀନରେ ଅଧିକାର ଓ ଦାୟିତ୍ୱ/କର୍ତ୍ତବ୍ୟ କେବଳ ଆପଣଙ୍କୁ ଦିଆଯାଇଥିବା ଏବଂ ଆପଣଙ୍କ ସହମତି ବିନା ଅନ୍ୟ କୌଣସି ତୃତୀୟ ପକ୍ଷକୁ ପ୍ରଦାନ କରାଯିବ ନାହିଁ। ତେବେ, ଏହି ସର୍ତ୍ତ ଅଧୀନରେ ନିଜର ଅଧିକାର ଓ ଦାୟିତ୍ୱ/କର୍ତ୍ତବ୍ୟ ଅନ୍ୟକୁ ଆବଣ୍ଟନ କରିବା ପାଇଁ ଆମର ଅନୁମତି ଅଛି। ଏହା ସେତେବେଳେ ହୋଇପାରେ, ଉଦାହରଣ ସ୍ୱରୂପ, ଆମେ ଅନ୍ୟ ଏକ କମ୍ପାନୀ ସହ ମିଶିଥାଉ ଏବଂ ଏକ ନୂଆ କମ୍ପାନୀ ଗଢ଼ିଥାଉ।

b. ଆମେ କିପରି ବିବାଦର ସମାଧାନ କରିଥାଉ#

ସମସ୍ତ କ୍ଷେତ୍ରରେ, ଆପଣ ସହମତ ହୁଅନ୍ତି ଯେ କୌଣସି ପ୍ରକାର ବିବାଦ ଭାରତ ଗଣତନ୍ତ୍ର ଆଇନ ଅଧୀନସ୍ଥ ଏବଂ ଏଭଳି ସବୁ ବିବାଦ ଉପରେ ବେଙ୍ଗଲୁରୁର କୋର୍ଟର ଏକାକୀ ବିଚାର ଅଧିକାର ରହିବ।

c. ଅଭିଯୋଗ ଅଧିକାରୀ#

ଡାଟା ସୁରକ୍ଷା, ଏହାର ଗୋପନୀୟତା ଏବଂ ପ୍ଲାଟଫର୍ମ ଉପଯୋଗ ବିଷୟରେ ଆପଣଙ୍କ ସମସ୍ୟାର ସମାଧାନ ପାଇଁ ଆମ ପାଖରେ ଜଣେ ଅଭିଯୋଗ ଅଧିକାରୀ ଅଛନ୍ତି। ଆପଣ ଉଠାଥିବା ସମସ୍ତ ପ୍ରକାର ସମସ୍ୟାକୁ ଆମେ ଗ୍ରହଣ କରିବାର 15 (ପନ୍ଦର) ଦିନ ଭିତରେ ସମାଧାନ କରିବୁ। ନିମ୍ନୋକ୍ତ ମଧ୍ୟରୁ କୌଣସି ଠାରେ ଆପଣ ଅଭିଯୋଗ ଅଧିକାରୀଙ୍କୁ ଯୋଗାଯୋଗ କରିପାରିବୁ:

ନାମ: ସୁଶ୍ରୀ ହାର୍ଲିନ୍ ସେଠୀ
ଠିକଣା: No.2 26, 27 1st Floor, Sona Towers, Hosur Rd, Krishna Nagar, Industrial Area, Bengaluru, Karnataka 560029
କାର୍ଯ୍ୟାଳୟ ସମୟ: ପୂର୍ବାହ୍ନ 10:00 ରୁ ଅପରାହ୍ନ 1:00
ଇମେଲ: grievance@sharechat.co
ଧ୍ୟାନ ଦିଅନ୍ତୁ - ୟୁଜର ସମ୍ବନ୍ଧୀୟ ଅଭିଯୋଗ ର ଶୀଘ୍ର ପ୍ରକ୍ରିୟାକରଣ ଓ ସମାଧାନ କରିବା ପାଇଁ ଦୟାକରି ଉପରୋକ୍ତ ଇମେଲ୍ ଆଇଡି ରେ ସମସ୍ତ ଅଭିଯୋଗ ପଠାନ୍ତୁ |

ନୋଡାଲ୍ ଯୋଗାଯୋଗ ବ୍ୟକ୍ତି - ସୁଶ୍ରୀ ହାରଲିନ୍ ସେଠୀ
ଇମେଲ୍: nodalofficer@sharechat.co
ଧ୍ୟାନ ଦିଅନ୍ତୁ - ଏହି ଇମେଲ୍ କେବଳ ପୋଲିସ ଏବଂ ଅନୁସନ୍ଧାନକାରୀ ସଂସ୍ଥାଙ୍କ ର ବ୍ୟବହାର ପାଇଁ ଅଟେ। ଏହା ୟୁଜର ସମ୍ବନ୍ଧୀୟ ସମସ୍ୟାଗୁଡିକ ପାଇଁ ସଠିକ ଇମେଲ୍ ଆଇଡି ନୁହେଁ। ସମସ୍ତ ୟୁଜର ସମ୍ବନ୍ଧୀୟ ଅଭିଯୋଗ ପାଇଁ ଦୟାକରି ଆମକୁ grievance@sharechat.co ରେ ଯୋଗାଯୋଗ କରନ୍ତୁ ।

ଆମ ସହ ସଂପର୍କରେ ରହିବା ପାଇଁ ଓ ଆପଣଙ୍କ ସମସ୍ୟାର ସମାଧାନ କରିବା ପାଇଁ ଆମେ ଏକ ପଦ୍ଧତି ତିଆରି କରିଛୁ।

କ୍ଷତିପୂରଣ#

ଆପଣ ଆମ ଏବଂ ଆମର ସହଯୋଗୀ, ସହାୟକ ଏବଂ ଏଜେଣ୍ଟ ଓ ସେମାନଙ୍କ ଅଧିକାରୀ, ନିର୍ଦ୍ଦେଶକ, କର୍ମଚାରୀ, ନିର୍ଦ୍ଦେଶକ, କର୍ମଚାରୀ, ଉତ୍ତରାଧିକାରୀ ଏବଂ କୌଣସି କ୍ଲେମ, କାର୍ଯ୍ୟବାହୀ, କ୍ଷତି, ହାନି, ଉତ୍ତରଦାୟିତ୍ୱ, ଦାବି କିମ୍ବା ଖର୍ଚ୍ଚ (ଅନ୍ତର୍ଭୁକ୍ତ କିନ୍ତୁ ଆଟୋର୍ଣ୍ଣୀ ଦେୟ ପାଇଁ ସୀମିତ ନୁହେଁ) ନଷ୍ଟ ପାଇଁ କ୍ଷତିପୂରଣ ଦେବା, ପ୍ରତିରକ୍ଷା କରିବା ଏବଂ କ୍ଷତିକାରକ ନ ହେବାକୁ ସହମତ ହୁଅନ୍ତି, ଯାହା ଉତ୍ପନ୍ନ ହୋଇଥାଏ:

  1. ପ୍ଲାଟଫର୍ମ ଏବଂ ସେବା ଗୁଡ଼ିକର ବ୍ୟବହାର କିମ୍ବା ଏଥିପ୍ରତି ଆପଣଙ୍କର ଅଭିଗମ୍ୟତା;
  2. ଏହି ରାଜିନାମା ଅନୁସାରେ ଆପଣଙ୍କ ଦାୟିତ୍ୱରେ କୌଣସି ପ୍ରକାର ଉଲ୍ଲଂଘନ;
  3. ବୌଦ୍ଧିକ ସମ୍ପତ୍ତି ଓ କୌଣସି ଗୋପନୀୟତା କିମ୍ବା ଉପଭୋକ୍ତା ସୁରକ୍ଷା ଅଧିକାରର ସମେତ କୌଣସି ତୃତୀୟ ପକ୍ଷର ଅଧିକାର ନେଇ ଆପଣଙ୍କ ଉଲ୍ଲଂଘନ;
  4. ଆଇନ କିମ୍ବା ଅନୁବନ୍ଧାତ୍ମକ ଦାୟିତ୍ୱରେ କୌଣସି ପ୍ରକାର ଉଲ୍ଲଂଘନ ଓ ଏହି ପ୍ରକାର ଉଲ୍ଲଂଘନ ନେଇ କୌଣସି ଦାବି, ନୋଟିସ;
  5. ଆପଣଙ୍କ ଅବହେଳା କିମ୍ବା ଇଛାକୃତ ଅପରାଧ। ଏହି କର୍ତ୍ତବ୍ୟ ବା ଦାୟିତ୍ୱ ଆମ ସର୍ତ୍ତକୁ ରଦ୍ଦ କରିବାରୁ ରକ୍ଷା କରିବ।

ଅଯାଚିତ ସାମଗ୍ରୀ#

ଆମେ ସବୁବେଳେ ସମସ୍ତ ପ୍ରକାରର ମତାମତ କିମ୍ବା ଅନ୍ୟ ପରାମର୍ଶକୁ ଗ୍ରହଣ କରୁ। ଆପଣଙ୍କୁ ଏଥିପାଇଁ କ୍ଷତିପୂରଣ ପ୍ରଦାନ ପାଇଁ କୌଣସି ପ୍ରକାର ଦାୟିତ୍ୱ କିମ୍ବା ପ୍ରତିବନ୍ଧ ବିନା ଆମେ ଏହାକୁ ବ୍ୟବହାର କରିପାରୁ ଏବଂ ଗୋପନୀୟ ରଖିପାରୁ।

ସାଧାରଣ#

  1. ଏସବୁ ସର୍ତ୍ତର ଯଦି କୌଣସି ଦିଗ ଯଦି ଲାଗୁ କରିବା ଯୋଗ୍ୟ ନୁହେଁ, ତାହେଲେ, ଅବଶିଷ୍ଟ ପ୍ରଭାବରେ ରହିବ।
  2. ଆମର ସର୍ତ୍ତରେ କୌଣସି ପ୍ରକାରର ସଂଶୋଧନ କିମ୍ବା ଅସ୍ୱୀକାର ବିଷୟରେ ଆମେ ନିହାତି ଭାବେ ଲେଖିଥିବା ଓ ଦସ୍ତଖତ କରିଥିବା ଉଚିତ୍।
  3. ଉପଯୁକ୍ତ ଆଇନ ପ୍ରାଧିକରଣକୁ କୌଣସି ପ୍ରକାର ବେଆଇନ କିମ୍ବା ଅନୁଚିତ କାର୍ଯ୍ୟକଳାପ ବିଷୟରେ ରିପୋର୍ଟ କରିବା କିମ୍ବା ଆପଣଙ୍କ ପ୍ରୋଫାଇଲ ବ୍ଲକ କରିବା କିମ୍ବା ବନ୍ଦ କରିବା ସମେତ ଏସବୁ ସର୍ତ୍ତର କୌଣସି ଦିଗ ଲାଗୁ କରିବାରେ ଯଦି ଆମେ ବିଫଳ ହେଉ, ତାହେଲେ ଆମ ଅଧିକାର ଲାଗୁ କରିବା ନେଇ ଏଭଳି ବିଫଳତାକୁ ଆମେ ବର୍ଜନ କରି ପାରିବୁ ନାହିଁ।
  4. ଆପଣଙ୍କୁ ସ୍ପଷ୍ଟ ଭାବେ ପ୍ରଦାନ କରାଯାଇ ନଥିବା ସମସ୍ତ ଅଧିକାରକୁ ଆମେ ସଂରକ୍ଷଣ କରୁ।