ଶେୟରଚେଟ୍ ଗୋପନୀୟତା ନୀତି

Last updated: 31st August 2024

ଆମେ (ମୋହଲ୍ଲା ଟେକ ପ୍ରାଇଭେଟ. ଲିମିଟେଡ., କିମ୍ବା "ଶେୟରଚେଟ୍") ବୁଝୁ ଯେ ଆପଣଙ୍କ ଗୋପନୀୟତା ଅତ୍ୟନ୍ତ ମହତ୍ୱପୂର୍ଣ୍ଣ ଏବଂ ଆମେ ଏହାକୁ ଗୁରୁତ୍ୱର ସହ ବିଚାର କରୁ। ଆପଣ ଆମର ୱେବସାଇଟ ("ୱେବସାଇଟ") ଏବଂ/କିମ୍ବା ‘ଶେୟରଚେଟ୍’ ("ଏପ") କୁହାଯାଉଥିବା ମୋବାଇଲ ଆପ୍ଲିକେସନ ବ୍ୟବହାର କରିବା ସମୟରେ ଆମେ କିପରି ଆପଣଙ୍କ ତଥ୍ୟ ସଂଗ୍ରହ କରୁ, ବ୍ୟବହାର କରୁ ଏବଂ ପ୍ରକାଶ କରୁ, ତାହା ଏହି ଗୋପନୀୟତା ନୀତି ("ଗୋପନୀୟତା ନୀତି") ଧାର୍ଯ୍ୟ କରିଥାଏ। ୱେବସାଇଟ ଏବଂ ଏପ ସାମୂହିକଭାବେ "ପ୍ଲାଟଫର୍ମ" ରୂପରେ ଜଣାଯାଏ। କୌଣସିଠାରେ "ଆମେ", "ଆମର" କିମ୍ବା "ଆମକୁ" କିମ୍ବା "କମ୍ପାନୀ" ଲେଖାଯାଇଥିଲେ ପ୍ଲାଟଫର୍ମ ଏବଂ/କିମ୍ବା ମୋହଲ୍ଲା ଟେକ ପ୍ରାଇଭେଟ. ଲିମିଟେଡ.କୁ ବୁଝାଇବ। "ଆପଣ", "ଆପଣଙ୍କର" କିମ୍ବା "ବ୍ୟବହାରକାରୀ" ଲେଖାଯାଇଥିଲେ, ଆମ ପ୍ଲାଟଫର୍ମ ବ୍ୟବହାର କରୁଥିବା କୌଣସି ବ୍ୟକ୍ତି କିମ୍ବା ସଂସ୍ଥାକୁ ବୁଝାଇବ। ଏହି ଗୋପନୀୟତା ନୀତିରେ ଯେପରି ବର୍ଣ୍ଣନା କରାଯାଇଛି ତାହା ବ୍ୟତୀତ ଆମେ ଆପଣଙ୍କ ତଥ୍ୟ ଅନ୍ୟ କାହାରିକୁ ଜଣାଇବୁ ନାହିଁ କିମ୍ବା ଅନ୍ୟ କେଉଁଠି ବ୍ୟବହାର କରିବୁ ନାହିଁ।

ଏହି ଗୋପନୀୟତା ନୀତି ଶେୟରଚେଟ୍ ବ୍ୟବହାର ସର୍ତ୍ତାବଳୀ ବ୍ୟବହାର ସର୍ତ୍ତାବଳୀ ("ସର୍ତ୍ତଗୁଡ଼ିକ") ଏବଂ ଆମର ଶେୟରଚେଟ୍ କୁକି ପଲିସି ର ଅଂଶ ଏବଂ ଶେୟରଚେଟ୍ ସହ ପଢ଼ାଯିବ। ଏହି ପ୍ଲାଟଫର୍ମ ବ୍ୟବହାର କରିବା ପାଇଁ ଏହି ଗୋପନୀୟତା ନୀତିର ସର୍ତ୍ତାବଳୀ ସହ ସହମତ ହେବା ଅନିବାର୍ଯ୍ୟ ଅଟେ। ଏହି ଗୋପନୀୟତା ନୀତିରେ ଯେପରି ବର୍ଣ୍ଣନା କରାଯାଇଛି, ଆପଣଙ୍କ ବ୍ୟକ୍ତିଗତ ତଥ୍ୟକୁ ଆମେ କିପରି ବ୍ୟବହାର କରିବୁ ଏବଂ ପ୍ରକାଶ କରିବୁ (ଯେପରିକି ନିମ୍ନରେ ବର୍ଣ୍ଣନା କରାଯାଇଛି) , ସେଥିରେ ମଧ୍ୟ ଆପଣ ସହମତ। ଯଦି ଆପଣ ଏହି ଗୋପନୀୟତା ନୀତିର ସର୍ତ୍ତାବଳୀ ସହ ସହମତ ନୁହଁନ୍ତି, ଦୟାକରି ଏହି ପ୍ଲାଟଫର୍ମ ବ୍ୟବହାର କରନ୍ତୁ ନାହିଁ।

ଆମେ କେଉଁ ତଥ୍ୟ ସଂଗ୍ରହ କରୁ ଏବଂ ଆମେ ଏହାକୁ କିପରି ବ୍ୟବହାର କରୁ

ନିମ୍ନୋକ୍ତ ସାରଣୀରେ ଆମେ ସଂଗ୍ରହ କରୁଥିବା ତଥ୍ୟ ଏବଂ ଆମେ ଏହାକୁ କିପରି ବ୍ୟବହାର କରୁ, ତାହା ଦର୍ଶାଯାଇଛି:

ଆମେ ସଂଗ୍ରହ କରୁଥିବା ତଥ୍ୟ ଆମେ	ଏହାକୁ କିପରି ବ୍ୟବହାର କରୁ
ଲଗ-ଇନ ଡାଟା। ୟୁଜର ଆଇଡି, ମୋବାଇଲ ଫୋନ, ପାସୱାର୍ଡ, ଲିଙ୍ଗ, ଏବଂ ଆଇପି ଆଡ୍ରେସ। ଆମେ ଏକ ସୂଚକ ବୟସ ସୀମା ସଂଗ୍ରହ କରିପାରୁ ଯାହା ଆମକୁ ଜଣାଇବ ଯେ ଆମ ପ୍ଲାଟଫର୍ମ ତଥା ଆମ ପ୍ଲାଟଫର୍ମର କେତେକ ଫିଚର ବ୍ୟବହାର କରିବା ପାଇଁ ଆପଣଙ୍କର ବୟସ ଉପଯୁକ୍ତ ଅଟେ (ସାମୂହିକ ଭାବରେ "ଲଗ-ଇନ ଡାଟା") ଅତିରିକ୍ତ ପ୍ରୋଫାଇଲ ସୂଚନା। ଲଗ-ଇନ ଡାଟା ସହ ଆମେ ଆପଣଙ୍କର ଫୋଟୋ ଏବଂ ଆପଣଙ୍କ ୟୁଜର ପ୍ରୋଫାଇଲରେ ଆପଣ ଦେଇଥିବା ସ୍ୱବିବରଣୀ ମଧ୍ୟ ସଂଗ୍ରହ କରୁ। ଆପଣ ଦେଇଥିବା ତଥ୍ୟ। ପ୍ଲାଟଫର୍ମ ମାଧ୍ୟମରେ ଆପଣ ଅନ୍ୟ ବ୍ୟବହାରକାରୀମାନଙ୍କ ପାଇଁ ଉପଲବ୍ଧ କରାଉଥିବା ସମସ୍ତ ତଥ୍ୟ ଏଥିରେ ସଂପୃକ୍ତ, ଯେପରିକି: - କୌଣସି ଉଦ୍ଧୃତାଂଶ, ଛବି, ରାଜନୈତିକ ମତାମତ, ଧାର୍ମିକ ମତାମତ ଇତ୍ୟାଦି ତଥା ଆପଣଙ୍କ ବିଷୟରେ ତଥ୍ୟ କିମ୍ବା ଆପଣଙ୍କ ସମ୍ବନ୍ଧୀୟ ତଥ୍ୟ ଯାହା ଆପଣ ସ୍ୱେଚ୍ଛାକୃତ ଭାବେ ପ୍ଲାଟଫର୍ମରେ ଶେୟର କରିଛନ୍ତି। - ଆପଣ ପ୍ଲାଟଫର୍ମରେ କରିଥିବା କୌଣସି ପୋଷ୍ଟ (ଆପଣଙ୍କ ପବ୍ଲିକ ପ୍ରୋଫାଇଲ, ପ୍ଲାଟଫର୍ମର ‘ଆଲବମ’ ଫିଚରରେ ପ୍ରସ୍ତୁତ କରିଥିବା ତାଲିକା ଏବଂ ଆପଣଙ୍କ ଡିଭାଇସର କ୍ୟାମେରା ଏବଂ/କିମ୍ବା ମାଇକ୍ରୋଫୋନ ସେନସର ମାଧ୍ୟମରେ ନିଆଯାଇଥିବା ଫୋଟୋ, ଭିଡିଓ ଏବଂ ଭଏସ ରେକର୍ଡିଂ) ଅନ୍ୟମାନଙ୍କର କୌଣସି ପୋଷ୍ଟ ଯାହାକୁ ଆପଣ ପୁଣି ଥରେ ପୋଷ୍ଟ କରୁଛନ୍ତି ଏବଂ ଏଭଳି ପୋଷ୍ଟି ସହ ଜଡ଼ିତ ଲୋକେସନ ଡାଟା ଏବଂ ଲଗ ଡାଟା। ଆପଣଙ୍କ ବିଷୟରେ ତଥ୍ୟ (ଲୋକେସନ ଡାଟା ଏବଂ ଲଗ ଡାଟାକୁ ମିଶାଇ) ଯାହା ଅନ୍ୟ ବ୍ୟବହାରକାରୀମାନେ ଆପଣଙ୍କ ବିଷୟରେ ଶେୟର କରିଥାନ୍ତି କିମ୍ବା ଆପଣଙ୍କ ସହ କରିଥିବା କୌଣସି ଯୋଗାଯୋଗର ତଥ୍ୟ। ଆମେ ଅନ୍ୟ ଉତ୍ସଗୁଡ଼ିକରୁ ଗ୍ରହଣ କରିଥିବା ସୂଚନା: ଆମେ ତୃତୀୟ ପକ୍ଷ (ଉଦାହରଣସ୍ୱରୂପ ବିଜନେସ ପାର୍ଟନର, ଟେକ୍ନିକାଲରେ ସବ-କଣ୍ଟ୍ରାକ୍ଟର, ଆନାଲିଟିକ୍ସ ପ୍ରୋଭାଇଡର, ସର୍ଚ୍ଚ ଇନଫର୍ମେସନ ପ୍ରୋଭାଇଡର୍) ଏବଂ ଏଭଳି ଉତ୍ସରୁ ମଧ୍ୟ ଆପଣଙ୍କ ବିଷୟରେ ତଥ୍ୟ ଗ୍ରହଣ କରିପାରୁ। ଏଭଳି ତଥ୍ୟ ଆଭ୍ୟନ୍ତରୀଣ ଭାବରେ ଶେୟର କରାଯାଇପାରେ ଏବଂ ଏହି ପ୍ଲାଟଫର୍ମରେ ସଂଗୃହୀତ ତଥ୍ୟ ସହ ମିଶାଯାଇପାରେ। ଲଗ ଡାଟା। କୁକିଜ, ୱେବ ବିକନ, ଲଗ ଫାଇଲ, ସ୍କ୍ରିପ୍ଟ ଭଳି ମାଧ୍ୟମଗୁଡ଼ିକ ବ୍ୟବହାର କରି ଆପଣଙ୍କ ପ୍ଲାଟଫର୍ମ ବ୍ୟବହାର କରିବା ସମୟରେ ଆମେ ସଂଗ୍ରହ କରୁଥିବା ତଥ୍ୟକୁ ଲଗ ଡାଟା କୁହାଯାଏ: - ବୈଷୟିକ ତଥ୍ୟ, ଯେପରିକି ଆପଣଙ୍କ ମୋବାଇଲ କ୍ୟାରିଅର-ସମ୍ବନ୍ଧୀୟ ତଥ୍ୟ, ଆପଣଙ୍କ ୱେବ ବ୍ରାଉଜର ଦ୍ୱାରା ଉପଲବ୍ଧ ହେଉଥିବା କନ୍ଫିଗ୍ୟୁରେସନ ତଥ୍ୟ କିମ୍ବା ପ୍ଲାଟଫର୍ମ ଆକ୍ସେସ କରିବା ପାଇଁ ଆପଣ ବ୍ୟବହାର କରୁଥିବା ଅନ୍ୟ ପ୍ରୋଗ୍ରାମ, ଆପଣଙ୍କ ଆଇପି ଆଡ୍ରେସ (IP Address)ଏବଂ ଆପଣଙ୍କ ଡିଭାଇସର ଭର୍ସନ ଏବଂ ଆଇଡେଣ୍ଟିଫିକେସନ ନମ୍ବର; - ୱେବ ସର୍ଚ୍ଚ ପାଇଁ ବ୍ୟବହାର କରାଯାଇଥିବା ଶବ୍ଦ, ଭିଜିଟ କରିଥିବା ସୋସିଆଲ ମିଡିଆ ପ୍ରୋଫାଇଲ, ବ୍ୟବହାର କରିଥିବା ମିନି ଆପ୍ଲିକେସନ ଭଳି ପ୍ଲାଟଫର୍ମ ବ୍ୟବହାର କରିବା ସମୟରେ ଆପଣ ସର୍ଚ୍ଚ କରିଥିବା ଏବଂ ଦେଖିଥିବା ତଥ୍ୟ, ଏବଂ ପ୍ଲାଟଫର୍ମ ବ୍ୟବହାର କରିବା ସମୟରେ ଆପଣ ଆକ୍ସେସ କରିଥିବା କିମ୍ବା ଅନୁରୋଧ କରିଥିବା ଅନ୍ୟ ତଥ୍ୟର ସବିଶେଷ ବିବରଣୀ; - ପ୍ଲାଟଫର୍ମରେ ହୋଇଥିବା ଯୋଗାଯୋଗର ସାଧାରଣ ତଥ୍ୟ, ଯେପରିକି ଆପଣ ଯୋଗାଯୋଗ କରିଥିବା ଜଣେ ବ୍ୟବହାରକାରୀଙ୍କର ପରିଚୟ ଏବଂ ଆପଣଙ୍କ ଯୋଗାଯୋଗର ସମୟ, ତଥ୍ୟ ଏବଂ ଅବଧି ; ଏବଂ - ମେଟା ଡାଟା ଅର୍ଥାତ ପ୍ଲାଟଫର୍ମ ଜରିଆରେ ଆପଣ ଉପଲବ୍ଧ କରାଇଥିବା ଜିନିଷଗୁଡ଼ିକ ସମ୍ବନ୍ଧୀୟ ତଥ୍ୟ, ଯେପରିକି ଶେୟର କରାଯାଇଥିବା ଏକ ଫୋଟୋ କିମ୍ବା ଭିଡିଓ ନିଆଯାଇଥିବା କିମ୍ବା ପୋଷ୍ଟ କରାଯାଇଥିବାର ତାରିଖ, ସମୟ କିମ୍ବା ଅବସ୍ଥିତି। କୁକିଜ। ଆମ ପ୍ଲାଟଫର୍ମର ଅନ୍ୟ ବ୍ୟବହାରକାରୀଙ୍କଠାରୁ ଆପଣ ଭିନ୍ନ ବୋଲି ଦର୍ଶାଇବା ପାଇଁ ଆମ ପ୍ଲାଟଫର୍ମ କୁକିଜ ବ୍ୟବହାର କରେ ଆପଣ ଆମ ପ୍ଲାଟଫର୍ମ ବ୍ୟବହାର କରିବା ସମୟରେ ଆପଣଙ୍କୁ ଉତ୍ତମ ବ୍ୟବହାରକାରୀ ଅନୁଭୂତି ଦେବା ପାଇଁ ଏବଂ ପ୍ଲାଟଫର୍ମରେ ଉନ୍ନତି ଆଣିବାରେ ମଧ୍ୟ ଏହା ଆମକୁ ସାହାଯ୍ୟ କରେ। ଆମେ ଆପଣଙ୍କ ଡିଭାଇସରେ ଥିବା କୁକିଜରୁ କୁକି ଡାଟା ସଂଗ୍ରହ କରୁ। ଆମେ ବ୍ୟବହାର କରୁଥିବା କୁକିଜ ଏବଂ ଆମେ ସେଗୁଡ଼ିକ କେଉଁ ଉଦ୍ଦେଶ୍ୟରେ ବ୍ୟବହାର କରୁ, ସେ ବିଷୟରେ ସବିଶେଷ ତଥ୍ୟ ଜାଣିବା ପାଇଁ ଆମର କୁକି ନୀତି ଦେଖନ୍ତୁ। ସର୍ଭେଗୁଡିକ। ଯଦି ଆପଣ ଏକ ସର୍ଭେରେ ଅଂଶଗ୍ରହଣ କରିବା ପାଇଁ ଆଗ୍ରହ ପ୍ରକାଶ କରନ୍ତି, ଆମେ କିଛି ବ୍ୟକ୍ତିଗତ ତଥ୍ୟ ଦେବା ପାଇଁ ଆପଣଙ୍କୁ ଅନୁରୋଧ କରିପାରୁ ଅର୍ଥାତ୍ ଆପଣଙ୍କୁ ଚିହ୍ନଟ କରିବା ପାଇଁ ବ୍ୟବହାର କରାଯାଇପାରୁଥିବା କୌଣସି ତଥ୍ୟ ("ବ୍ୟକ୍ତିଗତ ତଥ୍ୟ")। ଏହି ସର୍ଭେଗୁଡ଼ିକ କରିବା ପାଇଁ ଆମେ ଏକ ଥାର୍ଡ-ପାର୍ଟି ସର୍ଭିସ ପ୍ରୋଭାଇଡର ବ୍ୟବହାର କରିପାରୁ ଏବଂ ଆପଣ ସର୍ଭେ ସମ୍ପୂର୍ଣ୍ଣ କରିବା ପୂର୍ବରୁ ଏହା ଆପଣଙ୍କୁ ଜଣାଇ ଦିଆଯିବ।	- ସେଟ୍ ଅପ୍ ଏବଂ ସୁବିଧାରେ କାମ କରିବା ପାଇଁ ପ୍ଲାଟଫର୍ମରେ ଗୋଟିଏ ୟୁଜର ଆକାଉଣ୍ଟରେ ଲଗ-ଇନ କରନ୍ତୁ; - ଏହି ଗୋପନୀୟତା ନୀତି ସହ ପ୍ଲାଟଫର୍ମରେ କରାଯାଇଥିବା ପରିବର୍ତ୍ତନ ବିଷୟରେ ଆପଣଙ୍କୁ ଜଣାଇବା ପାଇଁ; - ଏହି ଗୋପନୀୟତା ନୀତି ସହ ପ୍ଲାଟଫର୍ମରେ କରାଯାଇଥିବା ପରିବର୍ତ୍ତନ ବିଷୟରେ ଆପଣଙ୍କୁ ଜଣାଇବା ପାଇଁ; - ୟୁଜର୍ ସପୋର୍ଟର ବ୍ୟବସ୍ଥାକୁ ମିଶାଇ ଯୋଗାଯୋଗ ସୁବିଧା ଯୋଗାଇ ଦେବା ପାଇଁ; - ଆମର ସର୍ତ୍ତାବଳୀ, ନିୟମ ଏବଂ ନୀତିଗୁଡ଼ିକ ତଥା ଆମର ଯେକୌଣସି ଅଧିକାର କିମ୍ବା ଆମ ଦ୍ୱାରା ଅନୁବନ୍ଧିତ କମ୍ପାନୀଗୁଡ଼ିକର ଅଧିକାର କିମ୍ବା ପ୍ଲାଟଫର୍ମର ଅନ୍ୟ ବ୍ୟବହାରକାରୀମାନଙ୍କର ଅଧିକାର କାର୍ଯ୍ୟକାରୀ କରିବା ପାଇଁ; - ନୂଆ ସେବା ବିକଶିତ କରିବା ପାଇଁ ଏବଂ ବର୍ତ୍ତମାନର ସେବା ଏବଂ ପ୍ଲାଟଫର୍ମ ଉନ୍ନତ କରିବା ପାଇଁ ତଥା ବ୍ୟବହାରକାରୀଙ୍କ ମତାମତ ଏବଂ ଅନୁରୋଧ ଏକୀକୃତ କରିବା ପାଇଁ; - ଭାଷା ଏବଂ ଅବସ୍ଥିତି ଭିତ୍ତିକ ପର୍ସନାଇଲେଜସନ ଯୋଗାଇ ଦେବା ପାଇଁ; - ପ୍ଲାଟଫର୍ମ ପରିଚାଳନା କରିବା ପାଇଁ, ଏବଂ ଟ୍ରବୁଲ୍‌ସୁଟିଂ, ଡାଟା ଆନାଲିସିସ, ଟେଷ୍ଟିଂ, ରିସର୍ଚ୍ଚ, ସିକ୍ୟୁରିଟି, ଫ୍ରଡ-ଡିଟେକସନ, ଆକାଉଣ୍ଟ ମ୍ୟାନେଜମେଣ୍ଟ ଏବଂ ସର୍ଭେ ଉଦ୍ଦେଶ୍ୟଗୁଡ଼ିକୁ ମିଶାଇ ଆଭ୍ୟନ୍ତରୀଣ କାର୍ଯ୍ୟଗୁଡ଼ିକ ପାଇଁ; - ଆପଣ କିପରି ପ୍ଲାଟଫର୍ମ ବ୍ୟବହାର କରିବେ ଏବଂ ଆକ୍ସେସ କରିବେ ତାହା ବୁଝିବା ପାଇଁ ଏବଂ ପ୍ଲାଟଫର୍ମରେ ବ୍ୟବହାରକାରୀଙ୍କ ଅନୁଭୂତି ଉନ୍ନତ କରିବା ପାଇଁ; - ଆପଣଙ୍କର "ଗଳି ମୋହଲ୍ଲା " ଏବଂ "ଲୋକପ୍ରିୟ" ଫିଡ ଗୁଡ଼ିକ ଅନୁକୂଳିତ କରିବା ପାଇଁ; - ଆମ ଉପଭୋକ୍ତାମାନେ ପ୍ଲାଟଫର୍ମକୁ କିପରି ବ୍ୟବହାର କରୁଛନ୍ତି ତାହା ଭଲ ଭାବରେ ବୁଝିବା ପାଇଁ ଅଞ୍ଚଳ, ଫୋନ ମଡେଲ, ଅପରେଟିଂ ସିଷ୍ଟମ ପ୍ଲାଟଫର୍ମ, ସିଷ୍ଟମ ଲାଙ୍ଗୁଏଜ ଏବଂ ପ୍ଲାଟଫର୍ମ ଭର୍ସନ ଭଳି ଜିନିଷଗୁଡ଼ିକ ଉପରେ ୟୁଜର ଡେମୋଗ୍ରାଫିକ ଆନାଲିସିସ କରିବା ପାଇଁ ଆପଣଙ୍କ ବ୍ୟକ୍ତିଗତ ତଥ୍ୟକୁ ମିଶାଇ ଆପଣଙ୍କ ତଥ୍ୟ ଛଦ୍ମୀକରଣ କରିବା ଏବଂ ଏକାଠି କରିବା ପାଇଁ; - ପ୍ଲାଟଫର୍ମରେ ଉପଭାକ୍ତାମାନେ ତୃତୀୟ ପକ୍ଷ ସେବା ଆକ୍ସେସ କରିବା ସମୟରେ କେଉଁ ତଥ୍ୟ ଏବଂ ସେବା ବ୍ୟବହାର କରାଯାଇଛି, ତାର ୱେବ ଏବଂ ଆକାଉଣ୍ଟ ଟ୍ରାଫିକ ପରିସଂଖ୍ୟାନ ସଂଗ୍ରହ କରିବା ପାଇଁ, ବ୍ୟକ୍ତିଗତ ତଥ୍ୟକୁ ମିଶାଇ ଆପଣଙ୍କ ତଥ୍ୟ ଛଦ୍ମୀକରଣ କରିବା ଏବଂ ଏକାଠି କରିବା ପାଇଁ; - ପ୍ରଭାବଶାଳୀତା ଆକଳନ କରିବା ପାଇଁ ଏବଂ ବିଜ୍ଞାପନ ଏବଂ ଅନ୍ୟ ମାର୍କେଟିଂ ଏବଂ ପ୍ରମୋସନାଲ କାର୍ଯ୍ୟକଳାପ ଉନ୍ନତ କରିବା ପାଇଁ।
ୟୁଜର ସର୍ଚ୍ଚ ଡାଟା। ଆପଣ ପ୍ଲାଟଫର୍ମରେ କରିଥିବା ଯେ କୌଣସି ସର୍ଚ୍ଚଗୁଡିକ।	ଆପଣ ପୂର୍ବରୁ କରିଥିବା ସର୍ଚ୍ଚଗୁଡ଼ିକ ଶୀଘ୍ର ଆକ୍ସେସ କରିବାର ସୁବିଧା ଯୋଗାଇ ଦେବା ପାଇଁ। ପର୍ସନାଲାଇଜେସନର ଆନାଲିଟିକ୍ସ ବ୍ୟବହାର କରିବା ପାଇଁ ଏବଂ ଟାର୍ଗେଟ କରାଯାଇଥିବା ବିଜ୍ଞାପନ ଆପଣଙ୍କୁ ଦେଖାଇବା ପାଇଁ।
ଅତିରିକ୍ତ ଆକାଉଣ୍ଟ ସୁରକ୍ଷା। ଆମେ ଆପଣଙ୍କ ଫୋନ ନମ୍ବର ସଂଗ୍ରହ କରୁ ଏବଂ ଆପଣଙ୍କୁ ଏକ ୱାନ-ଟାଇମ-ପାସୱର୍ଡ ଓଟିପି ପଠାଇ ଆପଣଙ୍କ ଫୋନ୍ରେ ("ଏସଏମଏସଗୁଡ଼ିକ"), ଆକ୍ସେସ କରିବା ପାଇଁ ଅନୁରୋଧ କରୁ ଯାହା ଆପଣ ଆମ ପ୍ଲାଟଫର୍ମରେ ପଞ୍ଜୀକରଣ କରିବା ସମୟରେ ଆପଣଙ୍କ ପରିଚୟ ସୁନିଶ୍ଚିତ କରିବା ପାଇଁ ଓଟିପି ପ୍ରବେଶ କରି ସୁନିଶ୍ଚିତ କରିପାରିବେ।	ଆପଣଙ୍କ ପରିଚୟ ଯାଞ୍ଚ କରିବା ପାଇଁ ଏବଂ ଆପଣଙ୍କ ଆକାଉଣ୍ଟର ସୁରକ୍ଷା ବଜାୟ ରଖିବା ପାଇଁ।
ଚାଟ ଡାଟା। ପ୍ଲାଟଫର୍ମରେ ଆପଣ କୌଣସି ଚାଟ ଫିଚର ବ୍ୟବହାର କରିବା ସମୟରେ, ଆପଣ ଏବଂ ଅନ୍ୟ ଜଣେ ବ୍ୟବହାରକାରୀଙ୍କ ମଧ୍ୟରେ ଯେ କୌଣସି ଯୋଗାଯୋଗର ତଥ୍ୟ ଆମେ ସଂଗ୍ରହ କରୁ। ଆପଣଙ୍କ ଡିଭାଇସରେ ଏବଂ ଆପଣ ବାର୍ତ୍ତା ପଠାଇଥିବା ବ୍ୟବହାରକାରୀମାନଙ୍କ ଡିଭାଇସରେ ଏହା ଷ୍ଟୋର ହୋଇ ରହିଥାଏ। ଅବଶ୍ୟ, ଆମେ ଆପଣଙ୍କ ଚାଟ ଡାଟା ମନିଟର୍ କରୁନୁ, ଆପଣଙ୍କ ଚାଟ ଡାଟାକୁ ଆଧାର କରି କୌଣସି ପଦକ୍ଷେପ ନେଉନାହୁଁ କିମ୍ବା କୌଣସି ତୃତୀୟ ପକ୍ଷଙ୍କ ଆଗରେ ଏହା ପ୍ରକାଶ କରୁ ନାହୁଁ।	ଅନ୍ୟ ଜଣେ ବ୍ୟବହାରକାରୀଙ୍କ ପାଖରେ ବାର୍ତ୍ତା ପହଞ୍ଚାଇବାର ସୁବିଧା ଯୋଗାଇବା ପାଇଁ।
କଣ୍ଟାକ୍ଟ ଲିଷ୍ଟ। ଆମେ ଆପଣଙ୍କ ମୋବାଇଲ ଡିଭାଇସରେ କଣ୍ଟାକ୍ଟ ଲିଷ୍ଟ ଆକ୍ସେସ କରୁଛୁ। ଆପଣଙ୍କ କଣ୍ଟାକ୍ଟ ଲିଷ୍ଟ ଆକ୍ସେସ କରିବା ପୂର୍ବରୁ ଆମେ ସବୁବେଳେ ଆପଣଙ୍କ ଅନୁମତି ନେଇଥାଉ ଏବଂ ଆପଣଙ୍କ କଣ୍ଟାକ୍ଟ ଲିଷ୍ଟ ଆକ୍ସେସ ନ କରିବା ପାଇଁ ଆପଣ ଆମକୁ ମନା ମଧ୍ୟ କରିପାରନ୍ତି।	ଅନ୍ୟ ପ୍ଲାଟଫର୍ମର ଅନ୍ୟ ବ୍ୟବହାରକାରୀମାନଙ୍କ ସହ ପ୍ଲାଟଫର୍ମର ‘ଫୋଲୋ କରନ୍ତୁ’ ଏବଂ ‘ନିମନ୍ତ୍ରଣ କରନ୍ତୁ’ ଫିଚର ମାଧ୍ୟମରେ ଆପଣ ସଂଯୁକ୍ତ ହେବା ପାଇଁ;
ଅବସ୍ଥିତି ସୂଚନା. "ଅବସ୍ଥିତି ସୂଚନା" ହେଉଛି ସେହି ତଥ୍ୟ ଯାହା ଅବସ୍ଥିତି ସୂଚନା ଥିବା ଆପଣଙ୍କ ଜିପିଏସ, ଆଇପି ଆଡ୍ରେସ, ଏବଂ/କିମ୍ବା ପବ୍ଲିକ ପୋଷ୍ଟରୁ ସଂଗ୍ରହ କରାଯାଇଥାଏ। ଆପଣ ଆମ ଆଗରେ ଏବଂ ଅନ୍ୟ ପ୍ଲାଟଫର୍ମ ବ୍ୟବହାରକାରୀଙ୍କ ଆଗରେ କେତେକ ଅବସ୍ଥିତି ସୂଚନା ପ୍ରକାଶ କରିବେ: - ଯେତେବେଳେ ଆପଣ ପ୍ଲାଟଫର୍ମରେ କେତେକ ନିର୍ଦ୍ଦିଷ୍ଟ ଅବସ୍ଥିତି-ଆଧାରିତ ଫିଚର ବ୍ୟବହାର କରନ୍ତି, ଯେପରିକି ‘ସେକ୍ ଆଣ୍ଡ ଚାଟ୍’ ଫିଚର ଏବଂ /କିମ୍ବା ଅନ୍ୟ କୌଣସି ଫିଚର କିମ୍ବା ମିନି ଆପ୍ଲିକେସନ ଯାହା ବିଷୟରେ ଆମେ ସମୟ ସମୟରେ ଆମ ପ୍ଲାଟଫର୍ମରେ ଜଣାଇବୁ, ଏବଂ ଯେତେବେଳେ ଆପଣ ଅନ୍ୟ ପ୍ଲାଟଫର୍ମ ବ୍ୟବହାରକାରୀଙ୍କୁ ଆପଣଙ୍କ ଅବସ୍ଥିତି ବିଷୟରେ ଜଣାଇବେ; ଏବଂ - ଯେତେବେଳେ ଆପଣ ପ୍ଲାଟଫର୍ମ ଆକ୍ସେସ କରିବେ, ଆପଣଙ୍କ ଆକାଉଣ୍ଟରେ ଏକାଧିକ ଲଗ-ଇନ କିମ୍ବା ଠକାମି କରୁଥିବା ଲଗ-ଇନଗୁଡ଼ିକ ପ୍ରତିରୋଧ କରିବା ପାଇଁ ଆମେ ଆପଣଙ୍କ ଆଇପି ଆଡ୍ରେସ, ଡିଭାଇସ, କିମ୍ବା ଇଣ୍ଟରନେଟ ସର୍ଭିସ ରୁ ଅବସ୍ଥିତି ସମ୍ବନ୍ଧୀୟ ତଥ୍ୟ ସଂଗ୍ରହ କରିବୁ।	ସୁରକ୍ଷା ପାଇଁ, ଠକାମି-ଚିହ୍ନଟକରଣ ଏବଂ ଆକାଉଣ୍ଟ ପରିଚାଳନା (ଯେପରିକି ଆପଣଙ୍କ ଆକାଉଣ୍ଟରେ ଏକାଧିକ କିମ୍ବା ସନ୍ଦେହଜନକ ଲଗ-ଇନ ହୋଇନାହିଁ ବୋଲି ସୁନିଶ୍ଚିତ କରିବା ପାଇଁ); ଆପଣ ବ୍ୟବହାର କରିବା ପାଇଁ ଚୟନ କରୁଥିବା ଅବସ୍ଥିତି ଆଧାରିତ ସେବା ଆପଣଙ୍କୁ ଯୋଗାଇ ଦେବା ପାଇଁ: - ଯେପରିକି ‘ସେକ୍ ଆଣ୍ଡ ଚାଟ୍’ (ଏଗୁଡ଼ିକ ଅବସ୍ଥିତି ଆଧାରିତ ସେବା ଯାହା ଆପଣ କିଛି ସମୟ ପାଇଁ ଆପଣଙ୍କ ସାଧାରଣ ଅବସ୍ଥିତି ପ୍ରକାଶ କରିବା ପାଇଁ ଚୟନ କରିପାରିବେ); - ମିନି ଆପ୍ଲିକେସନଗୁଡ଼ିକ ସମୟ ସମୟରେ ପ୍ଲାଟଫର୍ମରେ ଉପଲବ୍ଧ କରାଯାଇପାରେ, ଯାହା ସେମାନେ ଯୋଗାଉଥିବା ସେବା ଉପରେ ଆଧାରିତ ତଥ୍ୟ ଆବଶ୍ୟକ କରିପାରେ (ଯଦି ଆପଣ କୌଣସି ମିନି ଆପ୍ଲିକେସନକୁ ଆପଣଙ୍କ ଅବସ୍ଥିତି ଜଣାଇବା ପାଇଁ ଚୟନ କରିଛନ୍ତି); - ‘ନ୍ୟୁଜ କର୍ଣ୍ଣର’ (ଯଦି ଆପଣ ଏହି ଫିଚର ଆକ୍ସେସ କରୁଛନ୍ତି, ଆମେ ହୁଏତ ଆପଣଙ୍କ ପାଇଁ ପ୍ରଜୁଯ୍ୟ ସ୍ଥାନୀୟ ଅଞ୍ଚଳର ଖବର ଅପ୍ଟିମାଇଜ କରିବା ପାଇଁ ଆପଣଙ୍କ ଅବସ୍ଥିତି ବ୍ୟବହାର କରିପାରୁ ); - ଭାଷା ଏବଂ ଅବସ୍ଥିତି ଅନୁକୂଳିତ ଯୋଗାଇ ଦେବା ପାଇଁ।
ଗ୍ରାହକ ସହାୟତା ସୂଚନା। ଆମ ପ୍ଲାଟଫର୍ମ ବ୍ୟବହାର କରିବା ପାଇଁ ଆପଣ ଦରକାର କରୁଥିବା ସହାୟତା ବିଷୟରେ ସମୟ ସମୟରେ ଆପଣ ଆମର ଗ୍ରାହକ ସହାୟତା ଟିମକୁ ଦେଉଥିବା ଯେ କୌଣସି ତଥ୍ୟ।	ଆପଣଙ୍କ ସହାୟତା ସମ୍ବନ୍ଧୀୟ ସମସ୍ୟା ବିଷୟରେ ଅନୁସନ୍ଧାନ କରିବା ପାଇଁ।
ଡିଭାଇସ ଡାଟା। "ଡିଭାଇସ ଡାଟା" ରେ ନିମ୍ନୋକ୍ତଗୁଡ଼ିକ ଅନ୍ତର୍ଭୁକ୍ତ, ଏଥିରେ କୌଣସି ସୀମିତତା ନାହିଁ: § ଡିଭାଇସ ଆଟ୍ରିବ୍ୟୁଟଗୁଡ଼ିକ: ଅପରେଟିଂ ସିଷ୍ଟମ, ହାର୍ଡୱେର ଏବଂ ସଫ୍ଟୱେର ଭର୍ସନ, ବ୍ୟାଟେରୀ ଲେବେଲ, ସିଗନାଲ ଷ୍ଟ୍ରେନ୍ଥ, ଉପଲବ୍ଧ ଷ୍ଟୋରେଜ ସ୍ପେସ, ବ୍ରାଉଜର ଟାଇପ, ଏପ ଏବଂ ଫାଇଲ ନାମ ଏବଂ ପ୍ରକାର, ଏବଂ ପ୍ଲଗ ଇନଗୁଡିକ ଭଳି ତଥ୍ୟ। § ଡିଭାଇସ ଅପରେସନଗୁଡ଼ିକ: ଡିଭାଇସରେ କରାଯାଇଥିବା ଅପରେସନ ଏବଂ ଆଚରଣଗୁଡ଼ିକ ବିଷୟରେ ତଥ୍ୟ ଯେପରିକି ଗୋଟିଏ ୱିଣ୍ଡୋ ଫୋରଗ୍ରାଉଣ୍ଡ ହୋଇଛି କିମ୍ବା ବ୍ୟାକଗ୍ରାଉଣ୍ଡ ହୋଇଛି। § ଆଇଡେଣ୍ଟିଫାୟର ଗୁଡ଼ିକ: ୟୁନିକ ଆଇଡେଣ୍ଟିଫାୟର, ଡିଭାଇସ ଆଇଡି ଏବଂ ଅନ୍ୟ ଆଇଡେଣ୍ଟିଫାୟର, ଯେପରିକି ଆପଣ ବ୍ୟବହାର କରୁଥିବା ଗେମ, ଏପ କିମ୍ବା ଆକାଉଣ୍ଟଗୁଡ଼ିକ। § ଡିଭାଇସ ସିଗନାଲ ଗୁଡିକ: ଆମେ ଆପଣଙ୍କର ବ୍ଲୁଟୁଥ ସିଗନାଲ ଏବଂ ପାଖରେ ଥିବା ୱାଇ-ଫାଇ ଆକ୍ସେସ ପଏଣ୍ଟ, ବିକନ ଏବଂ ସେଲ ଟାୱାର ବିଷୟରେ ତଥ୍ୟ ସଂଗ୍ରହ କରିପାରୁ। § ଡିଭାଇସ ସେଟିଂସ୍‌ରୁ ଡାଟା: ଆପଣ ଚାଲୁ କରୁଥିବା ଡିଭାଇସ ସେଟିଂସ ମାଧ୍ୟମରେ ଆମେ ଗ୍ରହଣ କରିବା ପାଇଁ ଆପଣ ଅନୁମତି ଦେଉଥିବା ତଥ୍ୟ ,ଯେପରିକି ଜିପିଏସ ଲୋକେସନ, କ୍ୟାମେରା କିମ୍ବା ଫଟୋ। § ନେଟୱର୍କ ଏବଂ କନେକସନଗୁଡ଼ିକ: ଆପଣଙ୍କ ମୋବାଇଲ ଅପରେଟର କିମ୍ବା ଆଇଏସପି, ଭାଷା, ଟାଇମ ଜୋନ, ମୋବାଇଲ ଫୋନ ନମ୍ବର, ଆଇପି ଆଡ୍ରେସ ଭଳି ତଥ୍ୟ ଏବଂ କନେକସନ ସ୍ପିଡ। § ଆପ୍ଲିକେସନ: ଆପଣଙ୍କ ମୋବାଇଲ ଡିଭାଇସରେ ଷ୍ଟୋର ହୋଇଥିବା ଯେ କୌଣସି ମୋବାଇଲ ଆପ୍ଲିକେସନ। § ମିଡିଆ: ଆମେ ଆପଣଙ୍କ ମୋବାଇଲ ଡିଭାଇସରେ ମିଡିଆ ଗ୍ୟାଲେରୀ ଆକ୍ସେସ କରୁଛୁ, ବିନା ପ୍ରତିବନ୍ଧକରେ ଫଟୋ, ଭିଡିଓ ଏବଂ ଅଡିଓ ଫାଇଲ ଏବଂ ଆପଣଙ୍କ ଫୋନର ଷ୍ଟୋରେଜ ସ୍ପେସ ଆକ୍ସେସ କରୁଛୁ। ଅବଶ୍ୟ, ଆମେ ଆପଣଙ୍କ ଫଟୋ ଆକ୍ସେସ କରିବା ପୂର୍ବରୁ ସବୁବେଳେ ଆପଣଙ୍କ ଅନୁମତି ନେବୁ ଏବଂ ଆମକୁ ଏଭଳି ଆକ୍ସେସ ପାଇଁ ମନା କରିବାର ବିକଳ୍ପ ଆପଣଙ୍କ ପାଖରେ ଅଛି।	- ପ୍ଲାଟଫର୍ମ ବ୍ୟବହାର କରି ଅଡିଓ, ଭିଡିଓ ଏବଂ ଫଟୋ ଭଳି ଯେକୌଣସି ମିଡିଆ ଶେୟର କରିବାର ସୁବିଧା ଯୋଗାଇ ଦେବା ପାଇଁ; - ଆପଣଙ୍କ ମୋବାଇଲ ଡିଭାଇସ ପାଇଁ ଉପଯୁକ୍ତ ହେବା ଭଳି ଆମ ପ୍ଲାଟଫର୍ମ ଅନୁକୂଳିତ କରିବା ପାଇଁ; - ହ୍ୱାଟ୍‌ସଏପ୍ ଏବଂ/କିମ୍ବା ଫେସବୁକ ଜରିଆରେ ଶେୟର କରିବା ପାଇଁ ପ୍ଲାଟଫର୍ମରୁ କୌଣସି ତଥ୍ୟ ଡାଉନଲୋଡ କରିବାକୁ ଆପଣଙ୍କ ଡିଭାଇସରେ ଯଥେଷ୍ଟ ସ୍ପେସ ଅଛି କି ନାହିଁ ଜାଣି ରଖନ୍ତୁ; - ଆମ ପ୍ଲାଟଫର୍ମ ଉପରେ ଆପଣଙ୍କର ଉପଭୋକ୍ତା ଅନୁଭୂତି ଅନୁକୂଳିତ କରିବା ପାଇଁ; - ଆପଣଙ୍କ ମୋବାଇଲ ଡିଭାଇସରେ ଡାଉନଲୋଡ ହୋଇଥିବା ଆପ୍ଲିକେସନଗୁଡ଼ିକ ଜରିଆରେ ପ୍ଲାଟଫର୍ମରେ କୌଣସି ତଥ୍ୟ ଶେୟର କରିବାର ସୁବିଧା ଯୋଗାଇ ଦେବା ପାଇଁ; - ଆମର ସର୍ତ୍ତାବଳୀ, ନୀତି ଏବଂ ନିୟମ ପ୍ରୟୋଗ କରିବା ପାଇଁ ଆପଣଙ୍କ ପରିଚୟ ଯାଞ୍ଚ କରିବା ପାଇଁ; - ପ୍ଲାଟଫର୍ମକୁ ଉନ୍ନତ କରିବା ପାଇଁ।
ପ୍ରତିଯୋଗିତା ସମ୍ବନ୍ଧୀୟ ସୂଚନା। ସମୟ ସମୟରେ ପ୍ଲାଟଫର୍ମରେ ଅଫର କରାଯାଉଥିବା କୌଣସି ପ୍ରତିଯୋଗିତାର ଏଣ୍ଟ୍ରି ସବମିଟ କରିବା ପାଇଁ ଆପଣ ଆମକୁ ଦେଉଥିବା ସୂଚନା।	- ପ୍ରତିଯୋଗିତାରେ ଆପଣଙ୍କ ଅଂଶଗ୍ରହଣର ସୁବିଧା ଯୋଗାଇ ଦେବା ପାଇଁ; - ଯଦି ଲାଗୁ ହୁଏ, ପୁରସ୍କୃତ କରିବା ପାଇଁ।

ଆପଣଙ୍କ ତଥ୍ୟର ଉନ୍ମୋଚନ

ଆମେ ଆପଣଙ୍କ ତଥ୍ୟ ନିମ୍ନୋକ୍ତ ଉପାୟରେ ଉନ୍ମୋଚନ କରୁ:

ଅନ୍ୟମାନେ ଦେଖିପାରୁଥିବା ତଥ୍ୟ

ସାର୍ବଜନୀନ ତଥ୍ୟ ଅର୍ଥାତ ଆପଣ ନିଜର ୟୁଜର ପ୍ରୋଫାଇଲରେ କିମ୍ବା ଅନ୍ୟ ଜଣେ ୟୁଜରଙ୍କ ପ୍ରୋଫାଇଲରେ ପୋଷ୍ଟ କରିଥିବା କୌଣସି ତଥ୍ୟ ଯେପରିକି ପୋଷ୍ଟ ହୋଇଥିବା କମେଣ୍ଟ , ସର୍ଚ୍ଚ ଇଞ୍ଜିନ ଗୁଡ଼ିକ ଏବଂ ସମସ୍ତେ ଆକ୍ସେସ କରିପାରିବେ। କୌଣସି ତଥ୍ୟ ଯାହା ଆପଣ ସ୍ୱେଚ୍ଛାକୃତ ଭାବରେ ପ୍ଲାଟଫର୍ମରେ ପୋଷ୍ଟ କରିବା ପାଇଁ ପ୍ରକାଶ କରିଥାନ୍ତି , ଆପଣଙ୍କ ପ୍ରୋଫାଇଲ ପେଜ୍ ତଥ୍ୟକୁ ସମସ୍ତେ ଆକ୍ସେସ କରିପାରିବେ। ପ୍ଲାଟଫର୍ମରେ ପବ୍ଲିକ ବା ସାର୍ବଜନୀନ କରିବା ପାଇଁ ଯେତେବେଳେ ଆପଣ ତଥ୍ୟକୁ ସବମିଟ, ପୋଷ୍ଟ କିମ୍ବା ଶେୟର କରୁଛନ୍ତି ତାକୁ ଅନ୍ୟମାନେ ପୁଣି ଥରେ ଶେୟର କରିପାରିବେ। କେଉଁମାନେ ଏହାକୁ ଶେୟର କରିପାରିବେ ଆପଣ ତାହା ଚୟନ କରିବା ଉଚିତ, କାରଣ ଯେଉଁ ଲୋକମାନେ ଆପଣଙ୍କ ଆକ୍ଟିଭିଟି ଆମ ପ୍ଲାଟଫର୍ମରେ ଦେଖିପାରିବେ, ସେମାନେ ଆମ ପ୍ଲାଟଫର୍ମରେ କିମ୍ବା ଆମ ପ୍ଲାଟଫର୍ମ ବାହାରେ ଏହାକୁ ଅନ୍ୟମାନଙ୍କ ସହ ଶେୟର କରିପାରିବେ, ଯେଉଁଥିରେ ଆପଣ ଯେଉଁମାନଙ୍କ ସହ ଶେୟର କରିଥିଲେ ସେମାନଙ୍କ ବ୍ୟତୀତ ବାହାରୁ ଅନ୍ୟମାନେ ମଧ୍ୟ ଥିବେ। ଉଦାହରଣସ୍ୱରୂପ, ଆପଣ ଯେତେବେଳେ ଆମ ପ୍ଲାଟଫର୍ମର କିମ୍ବା ଆକାଉଣ୍ଟର ନିର୍ଦ୍ଦିଷ୍ଟ ୟୁଜରଙ୍କ ସହ ଏକ ପୋଷ୍ଟ ଶେୟର କରୁଛନ୍ତି କିମ୍ବା ଏକ ମେସେଜ ପଠାଉଛନ୍ତି, ସେମାନେ ସେହି ତଥ୍ୟକୁ ଡାଉନଲୋଡ କରିପାରିବେ କିମ୍ବା ଆମ ପ୍ଲାଟଫର୍ମର ଅନ୍ୟ ବ୍ୟବହାରକାରୀମାନଙ୍କ ସହ କିମ୍ବା ଅନ୍ୟ ପ୍ଲାଟଫର୍ମରେ ପୁଣି ଥରେ ଶେୟର କରିପାରିବେ। ଏହା ସହ, ଆପଣ ଯେତେବେଳେ କାହା ପୋଷ୍ଟ ଉପରେ କମେଣ୍ଟ କରନ୍ତି କିମ୍ବା ସେମାନଙ୍କ ତଥ୍ୟକୁ ଲାଇକ କରନ୍ତି, ଯେଉଁମାନେ ଅନ୍ୟ ବ୍ୟକ୍ତିଙ୍କର ତଥ୍ୟ ଦେଖି ପାରିବେ, ସେମାନେ ଆପଣଙ୍କ କମେଣ୍ଟ କିମ୍ବା ଲାଇକ ଦେଖିପାରିବେ। ଦୟାକରି ଧ୍ୟାନ ଦିଅନ୍ତୁ ଯେ ଆପଣଙ୍କ ପ୍ରୋଫାଇଲକୁ ବ୍ୟକ୍ତିଗତ କରିବା ପାଇଁ ଆପଣଙ୍କ ପାଖରେ ମଧ୍ୟ ବିକଳ୍ପ ଅଛି ଯେ ନିଶ୍ଚିତ କରନ୍ତୁ ଯେ କେବଳ ଆପଣଙ୍କ ଦ୍ୱାରା ଅନୁମୋଦିତ ଅନୁଗାମୀମାନେ ଆପଣଙ୍କର ପୋଷ୍ଟଗୁଡିକ ଦେଖିପାରିବେ | ପ୍ଲାଟଫର୍ମରେ ଥିବା ପ୍ରାଇଭେଟ ସେୟାରକ୍ୟାଟ୍ ବୈଶିଷ୍ଟ୍ୟ ସମ୍ବନ୍ଧରେ ବିସ୍ତୃତ ସୂଚନା ପାଇଁ ଦୟାକରି ରେ ଉପଲବ୍ଧ FAQ ବିଭାଗକୁ ଅନୁସରଣ କରନ୍ତୁ |

ବ୍ୟବହାରକାରୀମାନେ ଆପଣଙ୍କ ବିଷୟରେ ତଥ୍ୟ ସେମାନେ ଚୟନ କରିଥିବା ଶ୍ରୋତାମାନଙ୍କ ସହ କ୍ରିଏଟ ଏବଂ ଶେୟର କରିବା ପାଇଁ ଆମ ପ୍ଲାଟଫର୍ମ ବ୍ୟବହାର କରିପାରିବେ , ଯେପରିକି ଆପଣଙ୍କର ଏକ ଫୋଟୋ ପୋଷ୍ଟ କରିବା କିମ୍ବା ସେମାନଙ୍କର କୌଣସି ପୋଷ୍ଟରେ ଆପଣଙ୍କୁ ଟେଗ କରିବା.ସମସ୍ତ ସାର୍ବଜନୀନ ତଥ୍ୟକୁ ଯେକୌଣସି ସୋସିଆଲ ମିଡିଆ ସାଇଟ କିମ୍ବା ଅନ୍ୟ କୌଣସି ଅନଲାଇନ କିମ୍ବା ଅଫ ଲାଇନ ପ୍ଲାଟଫର୍ମରେ ଶେୟର କରିବାର ଅଧିକାର ଆମର ରହିଛି। ବେନାମୀ ଭିତ୍ତିରେ କେବଳ ଏହି ସର୍ତ୍ତାବଳୀରେ ବିଶେଷଭାବରେ ଦିଆଯାଇ ନଥିଲେ, ଆମେ କେବେ ବି ଆପଣଙ୍କ ବ୍ୟକ୍ତିଗତ ତଥ୍ୟ ଥାର୍ଡ ପାର୍ଟିଙ୍କୁ ଭଡ଼ାରେ ଦେବୁ ନାହିଁ କିମ୍ବା ବିକ୍ରି କରିବୁ ନାହୁଁ।

ଆମ ଗ୍ରୁପ ଅଫ କମ୍ପାନୀ ସହ ଶେୟର କରିବା

ଆମ ଗ୍ରୁପର ଯେକୌଣସି ସଦସ୍ୟଙ୍କ ସହ ଆପଣଙ୍କ ବ୍ୟକ୍ତିଗତ ତଥ୍ୟ ଆମେ ଶେୟର କରିପାରୁ। "ଗ୍ରୁପ" ଶବ୍ଦ କହିଲେ ପ୍ରତ୍ୟକ୍ଷ କିମ୍ବା ଅପ୍ରତ୍ୟକ୍ଷ ଭାବରେ ଆମ ଦ୍ୱାରା ନିୟନ୍ତ୍ରିତ ହେଉଥିବା କିମ୍ବା ଆମ ସହ ମିଶି ନିୟନ୍ତ୍ରଣ କରୁଥିବା ଯେ କୌଣସି ସଂସ୍ଥାକୁ ବୁଝାଇବ।

ଆପଣ ଅନ୍ୟମାନଙ୍କ ସହ କଣ ଶେୟର କରନ୍ତି

ଯେତେବେଳେ ଆପଣ ଆମ ପ୍ଲାଟଫର୍ମ ବ୍ୟବହାର କରି ତଥ୍ୟ ଶେୟର କରନ୍ତି ଏବଂ ଯୋଗାଯୋଗ କରନ୍ତି, ଆପଣ ଯାହା ଶେୟର କରନ୍ତି ତାହା ପାଇଁ ଆପଣ ଦର୍ଶକ ଚୟନ କରନ୍ତି। ଉଦାହରଣସ୍ୱରୂପ, ଯେତେବେଳେ ଆପଣ ଆମ ପ୍ଲାଟଫର୍ମରୁ କୌଣସି ତଥ୍ୟ ଫେସବୁକରେ ଶେୟର କରନ୍ତି, ଆପଣ ପୋଷ୍ଟ ପାଇଁ ଜଣେ ଫ୍ରେଣ୍ଡ, ଫ୍ରେଣ୍ଡମାନଙ୍କର ଗ୍ରୁପ୍ କିମ୍ବା ଆପଣଙ୍କର ସମସ୍ତ ଫ୍ରେଣ୍ଡ ଭଳି ଶ୍ରୋତା ଚୟନ କରନ୍ତି। ସେହିଭଳି, ଯେତେବେଳେ ଆପଣ ଆମ ପ୍ଲାଟଫର୍ମରେ ତଥ୍ୟ ଶେୟର କରିବା ପାଇଁ ଆପଣଙ୍କ ମୋବାଇଲ୍ରେ ହ୍ୱାଟ୍‌ସଏପ କିମ୍ବା ଅନ୍ୟ କୌଣସି ଆପ୍ଲିକେସନ ବ୍ୟବହାର କରନ୍ତି, କାହା ସହ ତଥ୍ୟ ଶେୟର କରିବେ ଆପଣ ଚୟନ କରନ୍ତି। ଏଭଳି ବ୍ୟକ୍ତିମାନଙ୍କ ସହ (ପ୍ଲାଟଫର୍ମରେ ଉପଲବ୍ଧ ହ୍ୱାଟ୍‌ସଏପ କିମ୍ବା ଫେସବୁକ ଭଳି ଶେୟରିଙ୍ଗ ଅପସନ ମାଧ୍ୟମରେ ଯେଉଁମାନଙ୍କ ସହ ଆପଣ ତଥ୍ୟ ଶେୟର କରିବା ପାଇଁ ଚୟନ କରନ୍ତି) ଆପଣ ଯେଉଁ ତଥ୍ୟ ଶେୟର କରନ୍ତି, ସେମାନେ କିପରି ସେହି ତଥ୍ୟକୁ ବ୍ୟବହାର କରିବେ, ଆମର ତାହା ଉପରେ କୌଣସି ନିୟନ୍ତ୍ରଣ ରହିବ ନାହିଁ କିମ୍ବା ଆମେ ସେଥିପାଇଁ ଦାୟୀ ରହିବୁ ନାହିଁ।

ତୃତୀୟ ପକ୍ଷ ସହ ଶେୟର କରିବା

ବଛା ବଛା ତୃତୀୟ ପକ୍ଷ ମାନଙ୍କ ସହ ଆମେ ଆପଣଙ୍କ ତଥ୍ୟ (ବ୍ୟକ୍ତିଗତ ତଥ୍ୟ) ଶେୟର କରିପାରୁ। ସେମାନେ ହେଲେ:

• ବ୍ୟବସାୟ ପାର୍ଟନର , ଯୋଗାଣକାରୀ ଏବଂ ସବ୍-କଣ୍ଟ୍ରାକ୍ଟର ("ସହଯୋଗୀ")। ଏହି ସୂଚନା ସହଯୋଗୀମାନଙ୍କ ନିଜ ବ୍ୟବସାୟ ବିଷୟରେ ବୁଝିବା ଏବଂ ବ୍ୟବସାୟରେ ଉନ୍ନତି ଆଣିବାପାଇଁ ସାହାଯ୍ୟ କରିବ।
• ଆପଣଙ୍କ ପାଇଁ ପ୍ରଜୁଯ୍ୟ ବିଜ୍ଞାପନ ଚୟନ କରିବା ପାଇଁ ଡାଟା ଆବଶ୍ୟକ କରୁଥିବା ବିଜ୍ଞାପନଦାତାମାନେ ଏବଂ ବିଜ୍ଞାପନ କରୁଥିବା ନେଟୱର୍କଗୁଡ଼ିକ। ଚିହ୍ନଟ କରାଯାଇ ପାରୁଥିବା ବ୍ୟକ୍ତିମାନଙ୍କ ବିଷୟରେ ତଥ୍ୟ ଆମେ ଆମ ବିଜ୍ଞାପନଦାତାମାନଙ୍କ ଆଗରେ ପ୍ରକାଶ କରୁ ନାହୁଁ, କିନ୍ତୁ ଆମ ବ୍ୟବହାରକାରୀମାନଙ୍କ ତଥ୍ୟଗୁଡ଼ିକ ଏକାଠି ମିଶାଇ ଆମେ ସେମାନଙ୍କୁ ଦେଇପାରୁ (ଉଦାହରଣସ୍ୱରୂପ, ଆମେ ସେମାନଙ୍କୁ ଜଣାଇପାରୁ ଯେ ନିର୍ଦ୍ଦିଷ୍ଟ ବୟସର ମହିଳାମାନେ ନିର୍ଦ୍ଦିଷ୍ଟ ଦିନରେ ସେମାନଙ୍କ ବିଜ୍ଞାପନ ଉପରେ କ୍ଲିକ କରିଥିଲେ)। ବିଜ୍ଞାପନଦାତାମାନେ ଟାର୍ଗେଟ କରିବାକୁ ଚାହୁଁଥିବା ଶ୍ରୋତାମାନଙ୍କ ପାଖରେ ପହଞ୍ଚିବାରେ ସେମାନଙ୍କ ସାହାଯ୍ୟ କରିବା ପାଇଁ ଆମେ ଏକତ୍ରିତ କରାଯାଇଥିବା ଏଭଳି ତଥ୍ୟକୁ ବ୍ୟବହାର କରିପାରୁ।
• କୌଣସି ଆଇନଗତ ଆବଶ୍ୟକତା କିମ୍ବା କୌଣସି ସରକାରୀ ଅନୁରୋଧ ପୂରଣ କରିବା ପାଇଁ; କିମ୍ବା ସମ୍ପତ୍ତିର କ୍ଷତିକୁ ପ୍ରତିରୋଧ କରିବା ପାଇଁ କିମ୍ବା କମ୍ପାନୀର, ଆମ ଗ୍ରାହକଙ୍କର କିମ୍ବା ସର୍ବସାଧାରଣଙ୍କର ନିରାପତ୍ତା ପାଇଁ, ଅଧିକାର ସୁରକ୍ଷିତ ରଖିବା ପାଇଁ , କିମ୍ବା ଠକାମିର ପ୍ରତିରୋଧ କରିବା ପାଇଁ କିମ୍ବା ସୁରକ୍ଷାଗତ କିମ୍ବା ବୈଷୟିକ ସମସ୍ୟା ସମାଧାନ କରିବା ପାଇଁ ,ଆମେ ଯଦି ବିଶ୍ୱାସ କରୁ ଯେ ସରକାରୀ ସଂସ୍ଥା କିମ୍ବା ଆଇନ ଲାଗୁ କରୁଥିବା ସଂସ୍ଥାକୁ ଆପଣଙ୍କ ବ୍ୟକ୍ତିଗତ ତଥ୍ୟ ଦେବା ଉଚିତ, ଆମେ ତାହା କରିପାରୁ।

ନିମ୍ନୋକ୍ତ ପରିସ୍ଥିତିଗୁଡ଼ିକରେ ଆମେ ବଛା ବଛା ତୃତୀୟ ପକ୍ଷମାନଙ୍କ ଆଗରେ ଆପଣଙ୍କ ତଥ୍ୟ (ବ୍ୟକ୍ତିଗତ ତଥ୍ୟକୁ ମିଶାଇ) ପ୍ରକାଶ କରିପାରୁ:

• If the ଯଦି ଏକ ତୃତୀୟ ପକ୍ଷ କମ୍ପାନୀର ସମସ୍ତ ସମ୍ପତ୍ତି ଅଧିଗ୍ରହଣ କରେ, କମ୍ପାନୀ ପାଖରେ ଥିବା ସମସ୍ତ ବ୍ୟକ୍ତିଗତ ତଥ୍ୟ ତୃତୀୟ ପକ୍ଷ ପାଖକୁ ସ୍ଥାନାନ୍ତର ହୋଇଯିବ। ଯଦି ଆମେ କାହା ସହ ମିଶ୍ରଣ କରୁ, ନୂଆ ସମ୍ପତ୍ତି ଅଧିଗ୍ରହଣ କରୁ, ଦେବାଳିଆ ହୋଇ ଯାଉ, ପୁନଃସଂଗଠିତ କରୁ କିମ୍ବା ସମ୍ପତ୍ତି ବିକ୍ରି କରୁ ଯେପରିକି ଆପଣଙ୍କ ତଥ୍ୟ ସ୍ଥାନାନ୍ତରିତ ହେବ କିମ୍ବା ଭିନ୍ନ ଏକ ଗୋପନୀୟତା ନୀତିର ଅନ୍ତର୍ଭୁକ୍ତ ହେବ, ଆମେ ବହୁ ପୂର୍ବରୁ ଆପଣଙ୍କୁ ଜଣାଇବୁ ଯାହା ଦ୍ୱାରା ଆପଣ ସ୍ଥାନାନ୍ତର ପୂର୍ବରୁ ଏଭଳି କୌଣସି ନୂଆ ନୀତି ଅଧୀନକୁ ନ ଆସି ଆପଣଙ୍କ ଆକାଉଣ୍ଟ ବିଲୋପ କରିପାରିବେ।
• ଆମର ସର୍ତ୍ତାବଳୀ ଏବଂ/କିମ୍ବା ଅନ୍ୟ କୌଣସି ରାଜିନାମା ପ୍ରୟୋଗ କିମ୍ବା ଲାଗୁ କରିବା ପାଇଁ।

ସୁରକ୍ଷା ଅଭ୍ୟାସଗୁଡ଼ିକ

ଆମ ଦ୍ୱାରା ସଂଗ୍ରହ କରାଯାଇଥିବା ତଥ୍ୟକୁ ସୁରକ୍ଷିତ ରଖିବା ପାଇଁ ଆମ ପାଖରେ ଉପଯୁକ୍ତ ବୈଷୟିକ ଏବଂ ସୁରକ୍ଷାଜନିତ ଉପାୟ ରହିଛି। ଆମେ ଯେଉଁଠି ଆପଣଙ୍କୁ ପ୍ଲାଟଫର୍ମ ଆକ୍ସେସ କରିବା ପାଇଁ ଏକ ୟୁଜର ନାମ ଏବଂ ପାସୱର୍ଡ ଦେଇଛୁ (କିମ୍ବା ଆପଣ ଯେଉଁଠି ଚୟନ କରିଛନ୍ତି), ଆପଣ ଏହି ତଥ୍ୟକୁ ଗୋପନୀୟ ରଖିବା ପାଇଁ ଦାୟୀ। ଆପଣଙ୍କ ପାସୱର୍ଡ କାହାରିକୁ ନ ଦେବା ପାଇଁ ଆମେ ଆପଣଙ୍କୁ ପରାମର୍ଶ ଦେବୁ।

ଆପଣ କେଉଁଠି ଆପଣଙ୍କ ବ୍ୟକ୍ତିଗତ ତଥ୍ୟ ରଖୁ

ଆମେ ଆପଣଙ୍କ ଡାଟା 410 ଟେରୀ ଆଭିନ୍ୟୁ ଠାରେ ମୁଖ୍ୟ କାର୍ଯ୍ୟାଳୟ ଥିବା ଆମାଜନ ୱେବ ସର୍ଭିସେସ, ଆଇଏନସି, ଦ୍ୱାରା ଯୋଗାଇ ଦିଆଯାଇଥିବା ଆମାଜନ ୱେବ୍ ସର୍ଭିସେସ କ୍ଲାଉଡ ପ୍ଲାଟଫର୍ମରେ ରଖୁ। ଏନ ସିଆଟଲ, ୱାଶିଂଟନ୍ 98109, ୟୁଏସଏ)ଏବଂ ତା ସହ (ଭାରତ ଏବଂ ବିଦେଶରେ ଥିବା ସେମାନଙ୍କ ସର୍ଭରରେ 1101 ଏସ୍ ଫ୍ଲାୱାର ସେଣ୍ଟ ବୁରବ୍ୟାଙ୍କ, କାଲିଫର୍ଣ୍ଣିଆ 91502, ୟୁଏସଏ) ଠାରେ ମୁଖ୍ୟ କାର୍ଯ୍ୟାଳୟ ଥିବା ଗୁଗଲ ଏଲଏଲସି ଦ୍ୱାରା ଦିଆଯାଇଥିବା ଗୁଗୁଲ କ୍ଲାଉଡ ପ୍ଲାଟଫର୍ମରେ ରଖୁ। ଉଭୟ ଆମାଜନ ୱେବ ସର୍ଭିସେସ ଏବଂ ଗୁଗଲ କ୍ଲାଉଡ ପ୍ଲାଟଫର୍ମ ରେ ଉପଲବ୍ଧ ତଥ୍ୟର କ୍ଷତି, ଅପବ୍ୟବହାର ଏବଂ ହେରଫେର ପ୍ରତିରୋଧ କରିବା ପାଇଁ ସୁରକ୍ଷାଜନିତ ପଦକ୍ଷେପ କାର୍ଯ୍ୟକାରୀ କରିଥାନ୍ତି।. ଆମାଜନ ୱେବ ସର୍ଭିସେସ ଏବଂ ଗୁଗଲ କ୍ଲାଉଡ ପ୍ଲାଟଫର୍ମ ଦ୍ୱାରା ଅନୁସରଣ କରାଯାଉଥିବା ଗୋପନୀୟତା ନୀତିରେ ଉପଲବ୍ଧ।

ଏହି ନୀତିରେ ପରିବର୍ତ୍ତନ

ନିର୍ଦ୍ଧାରିତ ସମୟ ଅନ୍ତରାଳରେ ଏହି ଗୋପନୀୟତା ନୀତିକୁ କମ୍ପାନୀ ଅପଡେଟ କରିପାରେ। ଆମେ ଯେତେବେଳେ ମଧ୍ୟ ଏହି ଗୋପନୀୟତା ନୀତିରେ, ଆପଣଙ୍କ ଜାଣିବା ପାଇଁ ଗୁରୁତ୍ୱପୂର୍ଣ୍ଣ ଥିବା ଭଳି ପରିବର୍ତ୍ତନ କରିବୁ, ଏହି ଲିଙ୍କରେ ଆମେ ଅପଡେଟ କରାଯାଇଥିବା ଗୋପନୀୟତା ନୀତିକୁ ଜଣାଇବୁ। ଗୋପନୀୟତରା ନୀତିରେ କୌଣସି ପରିବର୍ତ୍ତନ କରାଯାଇଛି କି ନାହିଁ ଜାଣିବା ପାଇଁ ସମୟ ସମୟରେ ଏହି ପେଜ ତଦାରଖ କରିବା ଆପଣଙ୍କର କର୍ତ୍ତବ୍ୟ।

ଦାବି ପ୍ରତ୍ୟାଖ୍ୟାନ

ଦୁର୍ଭାଗ୍ୟବଶତଃ, ଇଣ୍ଟରନେଟ ମାଧ୍ୟମରେ ତଥ୍ୟର ସଞ୍ଚାର ସଂପୂର୍ଣ୍ଣ ଭାବରେ ସୁରକ୍ଷିତ ନୁହେଁ। ଯଦିଓ ଆମେ ଆପଣଙ୍କ ବ୍ୟକ୍ତିଗତ ତଥ୍ୟ ସୁରକ୍ଷିତ ରଖିବା ପାଇଁ ଯଥାସମ୍ଭବ ଚେଷ୍ଟା କରିବୁ, ପ୍ଲାଟଫର୍ମକୁ ସଞ୍ଚରିତ ବା ଟ୍ରାନ୍ସମିଟ ହୋଇଥିବା ଡାଟାର ସୁରକ୍ଷା ବିଷୟରେ ଆମେ ଆପଣଙ୍କୁ କୌଣସି ଗ୍ୟାରେଣ୍ଟି ଦେଇପାରିବୁ ନାହିଁ ; ଯେକୌଣସି ସଞ୍ଚାରଣ ପାଇଁ ଆପଣ ନିଜେ ଦାୟୀ। ଆମେ ଆପଣଙ୍କ ତଥ୍ୟ ଥରେ ଗ୍ରହଣ କରିବା ପରେ, ଅଣସ୍ୱୀକୃତିପ୍ରାପ୍ତ ଆକ୍ସେସ ପ୍ରତିରୋଧ କରିବା ପାଇଁ ଆମେ ଦୃଢ଼ ପ୍ରଣାଳୀ ଏବଂ ସୁରକ୍ଷାଗତ ଫିଚର ବ୍ୟବହାର କରିବୁ।

ଆପଣଙ୍କ ଅଧିକାରଗୁଡ଼ିକ

ଆପଣ ଯେକୌଣସି ସମୟରେ ଆପଣଙ୍କର ବ୍ୟବହାରକାରୀ ଆକାଉଣ୍ଟ/ପ୍ରୋଫାଇଲରୁ ସାମଗ୍ରୀକୁ ଓ ଆପଣଙ୍କର ଆକାଉଣ୍ଟ/ପ୍ରୋଫାଇଲକୁ ହଟାଇ ପାରିବେ। କିନ୍ତୁ, ଆମର ଡାଟା ରିଟେନ୍ସନ୍ ନୀତିଗୁଡିକ ଅନୁସାରେ, ଆପଣଙ୍କର ଆକାଉଣ୍ଟରୁ ତଥ୍ୟ ହଟାଇବା ସମୟରେ ମଧ୍ୟ, ଆମ ପ୍ଲାଟଫର୍ମରେ ଆପଣଙ୍କର କାର୍ଯ୍ୟକଳାପ ଓ ଖାତାର ଇତିହାସ ଆମକୁ ଉପଲବ୍ଧ ରହିଥାଏ।

ଆପଣ ଯେକୌଣସି ସମୟରେ ଲଗ୍-ଇନ୍ କରିବାକୁ ଓ ଆପଣଙ୍କର ପ୍ରୋଫାଇଲ୍ କୁ ଯାଇ ଆପଣଙ୍କର ଆକାଉଣ୍ଟରୁ ବ୍ୟକ୍ତିଗତ ସୂଚନାକୁ ସଠିକ୍ କରିପାରିବେ, ସଂଶୋଧିତ କରିପାରିବେ, ଯୋଗ କରିପାରିବେ କିମ୍ବା ବିଲୋପ କରିପାରିବେ। ଉପରେ ଯେପରି ଉଲ୍ଲେଖ କରାଯାଇଛି , ଆପଣ ସନ୍ଦେଶରେ ଦିଆଯାଇଥିବା ନିର୍ଦ୍ଦେଶଗୁଡ଼ିକୁ ପାଲନ କରି ଆମ ଦ୍ୱାରା ପ୍ରେରିତ ଅବାସ୍ଥିତ ଇ-ମେଲ୍ ସଂବାଦରୁ ବାହାରି ଯାଇପାରିବେ। କିନ୍ତୁ, ଆପଣଙ୍କର ଆକାଉଣ୍ଟ ଅଲଗା ହେବା ପର୍ଯ୍ୟନ୍ତ, ଆପଣ ସମସ୍ତ ସିଷ୍ଟମ୍ ଇ-ମେଲ୍ ଗ୍ରହଣ କରିବେ। ସୂଚନା ପ୍ରଯୁକ୍ତି (ଯଥାସମୟ ସୁରକ୍ଷା ଅଭିଆସ ଓ ପ୍ରକ୍ରିୟା ଓ ସଂବେଦନଶୀଳ ବ୍ୟକ୍ତିଗତ ଡାଟା କିମ୍ବା ସୂଚନା) ନିୟମ, 2011 ର ବିଭାଗ 5(6) ("ନିୟମ") ଅନୁସାରେ, ଆପଣ ଯେକୌଣସି ସମୟରେ ଆମେ ସଂଗ୍ରହ କରିଥିବା ସୂଚନାର ସମୀକ୍ଷା, ସଂଶୋଧନ କରିବା ଓ ପରିବର୍ତ୍ତନ କରିବାକୁ ଅଧିକାର ରଖନ୍ତି। ନିୟମର ବିଭାଗ 5(7) ଅନୁସାରେ, ଆପଣ ଆଗକୁ ଆପଣଙ୍କର ସୂଚନା ସଂଗ୍ରହ ନିମିତ୍ତରେ ଆପଣଙ୍କର ସହମତିକୁ ରଦ୍ଦ କରିବାର ଅଧିକାର ମଧ୍ୟ ରଖନ୍ତି। କିନ୍ତୁ, ଦୟାକରି ଦେଖନ୍ତୁ ଯେ, ଆପଣଙ୍କର ସହମତିକୁ ରଦ୍ଦ କରିବା ଆପଣଙ୍କର ପ୍ଲାଟଫର୍ମ ବ୍ୟବହାରକୁ ନକାରାତ୍ମକ ପ୍ରଭାବ ପକାଇପାରେ। ଉଦାହରଣ ସ୍ୱରୂପ, ଆମେ ଆପଣଙ୍କର ମୋବାଇଲ୍ ଡିଭାଇସର ମିଡିଆ ଫୋଲ୍ଡର ଓ କ୍ୟାମେରାକୁ ଆକ୍ସେସ୍ ଆବଶ୍ୟକ କରୁଛୁ, ଯାହାକି ଆପଣ ଆପଣଙ୍କର ମୋବାଇଲ୍ ଡିଭାଇସ୍ ଦ୍ୱାରା ଚିତ୍ରଗୁଡ଼ିକୁ କ୍ଲିକ୍ କରିବାକୁ ଓ ପ୍ଲାଟଫର୍ମରେ ପୋଷ୍ଟ କରିବାକୁ ସହଯୋଗ କରିଥାଏ, ଯଦି ଆପଣ ଆମକୁ ଏହି ପ୍ରବେଶ ପ୍ରଦାନ କରିବେ ନାହିଁ ତେବେ ଏହି ସୁବିଧା ଉପଲବ୍ଧ ହେବ ନାହିଁ। ଆପଣ ଆମକୁ ବଜାରୀକରଣ ଉଦ୍ଦେଶ୍ୟ ପାଇଁ ଆପଣଙ୍କର ବ୍ୟକ୍ତିଗତ ସୂଚନାକୁ ପ୍ରକ୍ରିୟା କରିବାକୁ ନିଷେଧ କରିବା ପାଇଁ ଅନୁରୋଧ କରିପାରିବେ। ଆପଣ ଯେକୌଣସି ସମୟରେ ଏହି ଅଧିକାରଗୁଡ଼ିକୁ ବ୍ୟବହାର କରିବାକୁ grievance@sharechat.co ଠାରେ ଆମକୁ ସମ୍ପର୍କ କରିପାରିବେ। କିନ୍ତୁ, ଆମକୁ ଆପଣଙ୍କର ଅନୁରୋଧଗୁଡ଼ିକୁ ପୂରଣ କରିବା ପାଇଁ 30 (ତିରିଶ) ଦିନ ଦରକାର। ଏହା ସହ, ପ୍ଲାଟଫର୍ମରୁ ଆପଣଙ୍କର ଖାତାକୁ ଅଲଗା କରିବାକୁ ଓ ଉପଭୋକ୍ତା ସୂଚନାକୁ ଅଲଗା କରିବାକୁ, ଦୟାକରି ଆପଣଙ୍କର ଆପ୍ ସେଟିଂସ୍ ଯାଇ 'ଆକାଉଣ୍ଟ ଅଲଗା କରନ୍ତୁ' ବିକଳ୍ପକୁ କ୍ଲିକ୍ କରନ୍ତୁ। ଅଧିକ ସୂଚନା ପାଇଁ, ଆକାଉଣ୍ଟ ଅଲଗା କରାଯିବା ଓ ଆମ ତଥ୍ୟ ସଂଗ୍ରହ ନୀତି ଉପରେ FAQ ପ୍ରଦର୍ଶନ କରନ୍ତୁ।

ଡାଟା ଜମା କରି ରଖିବା

ଆମେ ଆପଣଙ୍କର ସମ୍ବେଦନଶୀଳ ବ୍ୟକ୍ତିଗତ ସୂଚନା (ନିମ୍ନ ପ୍ରସଙ୍ଗରେ ପରିଭାଷିତ) ବହୁ ସମୟ ପର୍ଯ୍ୟନ୍ତ ରଖିନାହୁଅ କାନୁନଗତ ଉଦ୍ଦେଶ୍ୟ ପାଇଁ ଯେତେକାହାକୁ ସୂଚନା ବ୍ୟବହାର କରିବା ସମ୍ଭବ। ପ୍ଲାଟଫର୍ମରେ ଆପଣଙ୍କ ଦ୍ୱାରା ସୃଷ୍ଟି ହୋଇଥିବା ଅନ୍ୟାନ୍ୟ ଭିଡିଓ/ଚିତ୍ର ସୃଷ୍ଟି କିମ୍ବା ଅପଲୋଡ୍ ହେବା ତାରିଖରୁ ୧୮୦ ଦିନ ପର୍ଯ୍ୟନ୍ତ ସଞ୍ଚୟ ହେବ। ୧୮୦ ଦିନ ବିତି ଯିବା ପରେ, ସେମାନଙ୍କର ସମସ୍ତ ବ୍ୟବହାରକାରୀ ବିଷୟବସ୍ତୁ ନିଜେ ହଟିଯିବ। ତଥାପି, କିଛି ତୃତୀୟ ପକ୍ଷ ସହିତ ଚୁକ୍ତିର ନିଷ୍ପାଦନ ପାଇଁ, ପ୍ଲାଟଫର୍ମର ବ୍ୟବସାୟିକ ଉଦ୍ଦେଶ୍ୟ ପାଇଁ, ପ୍ଲାଟଫର୍ମରେ ଆଗ୍ରହୀ ଏବଂ ଉପଲବ୍ଧ ପ୍ରସ୍ତାବିତ ପ୍ରଦାନ ପାଇଁ, ଏବଂ ଲାଗୁଥିବା କାନୁନର ପାଳନ ପାଇଁ, ଆମେ ୧୮୦ ଦିନ ର ମାତ୍ରାଧିକ କାଳ ପର୍ଯ୍ୟନ୍ତ ବିଷୟବସ୍ତୁକୁ ରଖି ପାରିବା। ଆପଣ ଏକା ଏକା ଏହି ୧୮୦ ଦିନ ରଖା ସମୟ ସୀମା ପରେ ପ୍ରବେଶ ପାଇଁ ଏହି ସୂଚନାର ପ୍ରତି ତିଆରି କରିବାକୁ ଦାୟୀ। ଅନ୍ୟାନ୍ୟ କୌଣସି ବିଷୟବସ୍ତୁ ପାଇଁ, ଆମେ ଆପଣଙ୍କର ହଟାନ୍ତୁ ବା ସଂଗ୍ରହ ପାଇଁ ଅନୁରୋଧ ପୂରଣ କରିବାରେ ଅଗ୍ରଗତି କରିବା। ଏହି ସମ୍ଭାବନା ମଧ୍ୟ ଅଛି ଯେ ଯେକୌଣସି ସାର୍ବଜନିକ ବିଷୟବସ୍ତୁର ପ୍ରତି ଆମର ପ୍ଲାଟଫର୍ମର କ୍ୟାସ୍ ଏବଂ ସଞ୍ଚୟ ପୃଷ୍ଠାରେ ସଞ୍ଚିତ ଅଛି ବା ଅନ୍ୟ ଉପଭୋକ୍ତା ତାହାକୁ ସଂଗ୍ରହ କରିବାକୁ ସମ୍ଭବ ଥାଏ। ଏହି ସହିତ ସମ୍ବନ୍ଧିତ ଇଣ୍ଟରନେଟର ସ୍ୱଭାବ ଅନୁଯାୟୀ, ଆପଣଙ୍କର ବିଷୟବସ୍ତୁର ପ୍ରତି ସାମାନ୍ୟ ଥିଲେ ମଧ୍ୟ, ଯେଉଁଗୁଡ଼ିକୁ ଆମେ/ଆପଣ ଆପଣଙ୍କର ଖାତାରୁ ହଟାଇଥିବା ବା ହଟାଇ ଦିଆଯାଇଛି, ଏହା ଅନ୍ୟ ସ୍ଥାନରେ ଇଣ୍ଟରନେଟରେ ମଧ୍ୟ ଅଛି ଏବଂ ଅନିଶ୍ଚିତ ସମୟ ପର୍ଯ୍ୟନ୍ତ ସଞ୍ଚିତ ହୋଇଥାଏ। "ସମ୍ବେଦନଶୀଳ ବ୍ୟକ୍ତିଗତ ସୂଚନା" ଅର୍ଥ ପାସୱାର୍ଡ ଏବଂ ନିୟମର ଧାରା ୩ ଅନୁଯାୟୀ ସମ୍ବେଦନଶୀଳ ଭାବରେ ଶ୍ରେଣୀଭୁକ୍ତ ଅନ୍ୟ କୌଣସି ସୂଚନା।

ତୃତୀୟ ପକ୍ଷ ଲିଙ୍କ ଗୁଡ଼ିକ

ପ୍ଲାଟଫର୍ମ ସମୟାନୁସାରେ, ଆମର ପାର୍ଟନର ନେଟୱର୍କ, ବିଜ୍ଞାପକ, ସହଯୋଗୀ ଏବଂ /କିମ୍ବା ଅନ୍ୟ ୱେବସାଇଟ ଅବା ମୋବାଇଲ ଆପ୍ଲିକେସନକୁ ଏବଂ ସେମାନଙ୍କଠାରୁ ଲିଙ୍କ ଗୁଡ଼ିକ ଧାରଣ କରିଥାଏ। ଯଦି ଆପଣ ଏସବୁ ୱେବସାଇଟ ମଧ୍ୟରୁ କୌଣସି ଗୋଟିଏ ଲିଙ୍କକୁ ଅନୁସରଣ କରନ୍ତି, ଦୟାକରି ଧ୍ୟାନ ଦିଅନ୍ତୁ ଯେ ଏହି ୱେବସାଇଟ ଗୁଡ଼ିକର ନିଜର ଗୋପନୀୟତା ନୀତି ରହିଛି ଓ ସେମାନଙ୍କର ନୀତିଗୁଡ଼ିକର କୌଣସିଟିକୁ ଆମେ ଗ୍ରହଣ କରୁନା କିମ୍ବା ଏଥିପ୍ରତି ଆମର ଉତ୍ତରଦାୟିତ୍ୱ ନାହିଁ। ଏହି ୱେବସାଇଟ କିମ୍ବା ମୋବାଇଲ ଆପ୍ଲିକେସନରେ କୌଣସି ବ୍ୟକ୍ତିଗତ ତଥ୍ୟ ଦେବା ପୂର୍ବରୁ ସେମାନଙ୍କର ନୀତିଗୁଡ଼ିକ ଦୟାକରି ଯାଞ୍ଚ କରି ନିଅନ୍ତୁ।

ତୃତୀୟ ପକ୍ଷ ସ୍ଥାପିତ

ତୃତୀୟ ପକ୍ଷ ସ୍ଥାପିତସମୂହ କଣ ଅଟେ ?

ପ୍ଲାଟଫର୍ମରେ ପ୍ରଦର୍ଶିତ କେତେକ ବିଷୟବସ୍ତୁ ଯାହାକୁ ଆପଣ ଦେଖନ୍ତି ତାହା ପ୍ଲାଟଫର୍ମ ଦ୍ୱାରା ଚାଳିତ ହୁଏ ନାହିଁ। ଏହି "ସ୍ଥାପିତଗୁଡ଼ିକ" ଏକ ତୃତୀୟ ପକ୍ଷ ଦ୍ୱାରା ଚାଳିତ ହୁଏ ଏବଂ ପ୍ଲାଟଫର୍ମରେ ସନ୍ନିହିତ ହୋଇଥାଏ। ଉଦାହରଣ ସ୍ୱରୂପ: ୟୁଟ୍ୟୁବ କିମ୍ବା ଭିମିଓ ଭିଡିଓ ସମୂହ, ଇମଗୁର କିମ୍ବା ଗିଫି ଜିଫ ଗୁଡ଼ିକ, ସାଉଣ୍ଡକ୍ଲବ ଅଡିଓ ଫାଇଲ୍‌, ଟୁଇଟର ଟୁଇଟ୍ସ, କିମ୍ବା ସ୍କ୍ରିବଡ ଡକୁମେଣ୍ଟ ସମୂହ ଯାହା ପ୍ଲାଟଫର୍ମ ଉପରେ ଏକ ପୋଷ୍ଟରେ ଦେଖାଯାଏ। ଏହି ଫାଇଲଗୁଡ଼ିକ ହୋଷ୍ଟ ହୋଇଥିବା ସାଇଟକୁ ଡାଟା ପ୍ରେରଣ କରେ ଯଦି ଆପଣ ସେହି ସାଇଟକୁ ସିଧାସଳଖ ଭାବେ ଭିଜିଟ୍ କରନ୍ତି (ଉଦାହରଣ ସ୍ୱରୂପ ଯେତେବେଳେ ଆପଣ ଏକ ୟୁଟ୍ୟୁବ ଭିଡିଓ ସନ୍ନିହିତ ହୋଇଥିବା ପେଜରେ ପ୍ଲାଟଫର୍ମ ପୋଷ୍ଟ ଲୋଡ କରନ୍ତି, ୟୁଟ୍ୟୁବ ଆପଣଙ୍କ କାର୍ଯ୍ୟକଳାପ ସମ୍ପର୍କରେ ତଥ୍ୟ ପାଇଯାଏ )।

ତୃତୀୟ ପକ୍ଷ ସ୍ଥାପିତ ଗୋପନୀୟତା ବିଷୟ

ତୃତୀୟ ପକ୍ଷ ସଂଗ୍ରହ କରୁଥିବା ତଥ୍ୟ କିମ୍ବା ଏହା ସହିତ ସେମାନେ କଣ କରିବେ ତାହାକୁ ପ୍ଲାଟଫର୍ମ ନିୟନ୍ତ୍ରଣ କରିପାରେ ନାହିଁ। ଏଣୁ, ପ୍ଲାଟଫର୍ମରେ ତୃତୀୟ ପକ୍ଷ ସ୍ଥାପିତଗୁଡ଼ିକ ଏହି ଗୋପନୀୟତା ନୀତିରେ ଅନ୍ତର୍ଭୁକ୍ତ ହୋଇନାହିଁ। ତାହା ତୃତୀୟ ପକ୍ଷ ସେବାର ଗୋପନୀୟତା ନୀତି ଦ୍ୱାରା ଅନ୍ତର୍ଭୁକ୍ତ ହୋଇଛି। ଏହିପରି ଏମ୍ବେଡ୍ କିମ୍ବା ଏପିଆଇ ସେବା ବ୍ୟବହାର କରି ଆପଣ ଥାର୍ଡ ପାର୍ଟି ସର୍ତ୍ତାବଳୀରେ ରାଜି ହେବା ପାଇଁ ବାଧ୍ୟ ଅଟନ୍ତି।

ଥାର୍ଡ଼ ପାର୍ଟି ଏମ୍ବେଡ୍ ଏବଂ API ସେବା ବ୍ୟବହାର କରିବା ପାଇଁ ପ୍ରଯୁଜ୍ୟ ଥାର୍ଡ଼ ପାର୍ଟି ନିୟମ ତାଲିକା :

ଦୟାକରି ପ୍ଲାଟଫର୍ମରେ ବ୍ୟବହାର ହେଉଥିବା ଥାର୍ଡ଼ ପାର୍ଟି API ସେବାଗୁଡିକର ଅଣ-ସଂପୂର୍ଣ୍ଣ ତାଲିକା ନିମ୍ନରେ ଖୋଜନ୍ତୁ:

• YouTube API ସେବାଗୁଡିକ ଏଠାରେ ଉପଲବ୍ଧ ନୀତିଗୁଡିକ ଦ୍ୱାରା ପରିଚାଳିତ: https://www.youtube.com/t/terms
• Snap. Inc. ସେବାଗୁଡିକ ଏଠାରେ ଉପଲବ୍ଧ ସର୍ତ୍ତାବଳୀ ଦ୍ୱାରା ପରିଚାଳିତ: https://snap.com/en-US/terms

ନୀତିଗୁଡିକର ପ୍ରଯୁଜ୍ୟତା ଉପରେ କୌଣସି ଦ୍ୱନ୍ଦ୍ୱ କିମ୍ବା ଅସଙ୍ଗତି ହେଲେ, ତୃତୀୟ ପକ୍ଷର ସେବା ସର୍ତ୍ତାବଳୀ ଥାର୍ଡ଼ ପାର୍ଟି ଉତ୍ପାଦ / ସେବାଗୁଡିକର ବ୍ୟବହାରକୁ ନିୟନ୍ତ୍ରଣ କରିବ ଏବଂ MTPL ନୀତିଗୁଡ଼ିକ ପ୍ଲାଟଫର୍ମରେ ଉପଲବ୍ଧ ବିଷୟବସ୍ତୁ ଏବଂ MTPL ଦ୍ୱାରା ପ୍ରଦାନ କରାଯାଉଥିବା ସେବାଗୁଡ଼ିକୁ ନିୟନ୍ତ୍ରଣ କରିବ ।

ତୃତୀୟ ପକ୍ଷ ସ୍ଥାପିତଗୁଡ଼ିକ ସହିତ ବ୍ୟକ୍ତିଗତ ତଥ୍ୟ ଅଂଶୀଦାର କରିବା

ସେହି ସ୍ଥାପିତଗୁଡ଼ିକ ଆପଣଙ୍କୁ ବ୍ୟକ୍ତିଗତ ତଥ୍ୟ ମାଗି ପାରନ୍ତି, ଯେପରିକି ଏକ ଫର୍ମ ମାଧ୍ୟମରେ ଆପଣଙ୍କ ଇମେଲ ଆଡ୍ରେସ। ପ୍ଲାଟଫର୍ମରୁ ମନ୍ଦ କାରକଗୁଡ଼ିକ ଦୂର କରିବା ପାଇଁ ଆମେ ପାରୁପର୍ଯ୍ୟନ୍ତ ଚେଷ୍ଟା କରୁ। ଅବଶ୍ୟ, ଯଦି ଆପଣ ଏହି ଭଳି ଭାବେ ଏକ ତୃତୀୟ ପକ୍ଷକୁ ଆପଣଙ୍କ ତଥ୍ୟ ଦେବାକୁ ଚୟନ କରନ୍ତି, ସେମାନେ ତାହାର କିପରି ଉପଯୋଗ କରିବେ ଆମେ ଜାଣୁନା। ଉପରେ ବର୍ଣ୍ଣନା କରାଯିବା ପ୍ରକାରେ. ସେମାନଙ୍କର କାର୍ଯ୍ୟକଳାପଗୁଡ଼ିକ ଏହି ଗୋପନୀୟତା ନୀତିରେ ଅନ୍ତର୍ଭୁକ୍ତ ନୁହେଁ। ଏଣୁ, ପ୍ଲାଟଫର୍ମରେ ଆପଣଙ୍କୁ ଇମେଲ ଆଡ୍ରେସ କିମ୍ବା ଅନ୍ୟ କୌଣସି ବ୍ୟକ୍ତିଗତ ତଥ୍ୟ ମାଗୁଥିବା ସନ୍ନିହିତ ଫର୍ମ ଦେଖିଲେ ଆପଣ ସତର୍କତା ଅବଲମ୍ବନ କରନ୍ତୁ। ସୁନିଶ୍ଚିତ କରନ୍ତୁ ଯେ ଆପଣ କାହାକୁ ତଥ୍ୟ ଦେଉଛନ୍ତି ଏବଂ ସେହି ତଥ୍ୟକୁ ନେଇ ସେମାନେ କଣ କରିବାର ଯୋଜନା ରଖିଛନ୍ତି। ଆମେ ଆପଣଙ୍କୁ ପରାମର୍ଶ ଦେଉଛୁ ଯେ ସନ୍ନିହିତ ଫର୍ମ ମାଧ୍ୟମରେ ବ୍ୟକ୍ତିଗତ ତଥ୍ୟ କୌଣସି ତୃତୀୟ ପକ୍ଷକୁ ଦିଅନ୍ତୁ ନାହିଁ।

ନିଜସ୍ୱ ତୃତୀୟ ପକ୍ଷ ସ୍ଥାପିତ ସୃଷ୍ଟି କରନ୍ତୁ

ଯଦି ଆପଣ ଏକ ଫର୍ମ ସ୍ଥାପିତ କରିଛନ୍ତି ଯାହା ଉପଭୋକ୍ତାଙ୍କ ଦ୍ୱାରା ବ୍ୟକ୍ତିଗତ ତଥ୍ୟ ଦାଖଲକୁ ଅନୁମତି ଦିଏ, ତେବେ ଆପଣ ପ୍ରଯୁଜ୍ୟ ଗୋପନୀୟତା ନୀତି ପ୍ରତି ଏକ ପ୍ରମୁଖ ଲିଙ୍କରେ ନିଶ୍ଚିତ ରୂପେ ପ୍ରଦାନ କରିବେ ଯାହା ସ୍ପଷ୍ଟ ରୂପେ ବର୍ଣ୍ଣନା କରେ ଯେ ଆପଣ ସଂଗୃହୀତ ଯେ କୌଣସି ତଥ୍ୟକୁ କେଉଁଭଳି ଭାବେ ବ୍ୟବହାର କରିବେ। ଏହା କରିବାରେ ବିଫଳ ହେଲେ କମ୍ପାନୀ ପୋଷ୍ଟକୁ ଅକ୍ଷମ କରାଇବ କିମ୍ବା ଅନ୍ୟ ପଦକ୍ଷେପ ନେବ ଯାହା ଆପଣଙ୍କ ଆକାଉଣ୍ଟକୁ ସୀମିତ ଅବା ଅକ୍ଷମ କରାଇବ।

ଆମ ତରଫରୁ ଯୋଗାଯୋଗ

ଆମେ ଆବଶ୍ୟକସ୍ଥଳେ ସମୟ ସମୟରେ ଆପଣଙ୍କୁ ସେବା ସମ୍ବନ୍ଧୀୟ ଘୋଷଣାଗୁଡ଼ିକ ପଠାଇବୁ (ଯେପରିକି ଆମେ ଯେତେବେଳେ ରକ୍ଷଣାବେକ୍ଷଣ କିମ୍ବା ସୁରକ୍ଷା, ଗୋପନୀୟତା କିମ୍ବା ପ୍ରାଶାସନିକ ଯୋଗାଯୋଗ ପାଇଁ ଅସ୍ଥାୟୀ ଭାବରେ ପ୍ଲାଟଫର୍ମକୁ ସସପେଣ୍ଡ କରୁ)। ଆମେ ଏଗୁଡ଼ିକ ଆପଣଙ୍କ ପାଖକୁ ଏସଏମଏସ ଜରିଆରେ ପଠାଉ। ଆପଣ ଏହି ସେବା –ସମ୍ବନ୍ଧୀୟ ଘୋଷଣାଗୁଡ଼ିକ ବାଦ ଦେଇ ପାରିବେ ନାହିଁ, ଏଗୁଡ଼ିକ ପ୍ରମୋସନାଲ ନୁହେଁ ଏବଂ କେବଳ ଆପଣଙ୍କ ଆକାଉଣ୍ଟର ସୁରକ୍ଷା ପାଇଁ ବ୍ୟବହାର ହୋଇଥାଏ ଏବଂ ପ୍ଲାଟଫର୍ମରେ ଗୁରୁତ୍ୱପୂର୍ଣ୍ଣ ପରିବର୍ତ୍ତନ ବିଷୟରେ ଆପଣଙ୍କୁ ଜଣାଇଥାଏ।

ଅଭିଯୋଗ ଅଧିକାରୀ

ତଥ୍ୟର ନିରାପତ୍ତା, ଗୋପନୀୟତା ଏବଂ ପ୍ଲାଟଫର୍ମ ବ୍ୟବହାର କରିବାର ସମସ୍ୟା ସମ୍ବନ୍ଧୀୟ ଆପଣଙ୍କ ଅଭିଯୋଗଗୁଡ଼ିକ ସମାଧାନ କରିବା ପାଇଁ ଶେୟରଚେଟ୍ ରେ ଜଣେ ଗ୍ରିଭାନସ ଅଫିସର ବା ଅଭିଯୋଗ ଅଧିକାରୀ ଅଛନ୍ତି। ଆମେ ଆପଣଙ୍କଠାରୁ ଅଭିଯୋଗ ପାଇବାର 15 (ପନ୍ଦର) ଦିନ ମଧ୍ୟରେ ସେଗୁଡ଼ିକ ସମାଧାନ କରିବୁ। ଆପଣ ନିମ୍ନୋକ୍ତ ଯେକୌଣସି ଠିକଣାରେ ସୁଶ୍ରୀ ହାର୍ଲିନ୍ ସେଠୀଙ୍କ ସହ ଯୋଗାଯୋଗ କରିପାରିବେ:

ନାମ: ସୁଶ୍ରୀ ହାର୍ଲିନ୍ ସେଠୀ
ଠିକଣା: ମହଲ୍ଲା ଟେକ୍ ପ୍ରାଇଭେଟ୍ ଲିମିଟେଡ୍
ନର୍ଥ ଟାୱାର ସ୍ମାର୍ଟୱାର୍କ୍ସ, ବୈଷ୍ଣବି ଟେକ୍ ପାର୍କ
ସର୍ଭେ ନଂ 16/1 ଏବଂ 17/2, ଅମ୍ବଲିପୁରା ଭିଲେଜ୍, ବାରଥର ହୋବଲି
ବେଙ୍ଗାଲୁରୁ ଅର୍ବାନ, କର୍ଣ୍ଣାଟକ - 560103
କାର୍ଯ୍ୟାଳୟ ସମୟ: ପୂର୍ବାହ୍ନ 10:00 ରୁ ଅପରାହ୍ନ 1:00
ଇମେଲ: grievance@sharechat.co
ଧ୍ୟାନ ଦିଅନ୍ତୁ - ୟୁଜର ସମ୍ବନ୍ଧୀୟ ଅଭିଯୋଗ ର ଶୀଘ୍ର ପ୍ରକ୍ରିୟାକରଣ ଓ ସମାଧାନ କରିବା ପାଇଁ ଦୟାକରି ଉପରୋକ୍ତ ଇମେଲ୍ ଆଇଡି ରେ ସମସ୍ତ ଅଭିଯୋଗ ପଠାନ୍ତୁ |

ନୋଡାଲ୍ ଯୋଗାଯୋଗ ବ୍ୟକ୍ତି [ଆଇନ ପ୍ରଣୟନ ଉଦ୍ଦେଶ୍ୟରେ] - ସୁଶ୍ରୀ ହାରଲିନ୍ ସେଠୀ
ଇମେଲ୍: nodalofficer@sharechat.co
ଧ୍ୟାନ ଦିଅନ୍ତୁ - ଏହି ଇମେଲ୍ କେବଳ ପୋଲିସ ଏବଂ ଅନୁସନ୍ଧାନକାରୀ ସଂସ୍ଥାଙ୍କ ର ବ୍ୟବହାର ପାଇଁ ଅଟେ। ଏହା ୟୁଜର ସମ୍ବନ୍ଧୀୟ ସମସ୍ୟାଗୁଡିକ ପାଇଁ ସଠିକ ଇମେଲ୍ ଆଇଡି ନୁହେଁ। ସମସ୍ତ ୟୁଜର ସମ୍ବନ୍ଧୀୟ ଅଭିଯୋଗ ପାଇଁ ଦୟାକରି ଆମକୁ grievance@sharechat.co ରେ ଯୋଗାଯୋଗ କରନ୍ତୁ ।